រាជធានីភ្នំពេញ៖ក្មេងប្រុសម្នាក់ ខណៈដែលម្តាយបណ្តោយឲ្យលេងក្រោមផ្ទះតែម្នាក់ឯង ហើយដើរទៅដួសទឹកលេងក៏ធ្លាក់ចូលក្នុងពាងលង់ស្លាប់តែម្តង ដែលហេតុការណ៍នេះកើតឡើងកាលពីវេលាម៉ោង១១ និង១០នាទីព្រឹកថ្ងៃទី២៤ ខែតុលា ឆ្នាំ២០១៦ ស្ថិតនៅក្នុងភូមិក្តីចាស់សង្កាត់បាក់ខែងខណ្ឌជ្រោយចង្វាររាជធានីភ្នំពេញ ។
សមត្ថកិច្ចបានឲ្យដឹងថា ឳពុកក្មេងរងគ្រោះ ឈ្មោះ ហ៊ុន ពិសិដ្ឋ អាយុ៣៣ឆ្នាំ ម្តាយឈ្មោះ អ៊ុំ សុខា អាយុ៣៥ឆ្នាំ ចំណែកក្មេងប្រុសរងគ្រោះលង់ទឹកស្លាប់នោះមានឈ្មោះ ហ៊ុន វិរះបុត្រ អាយុ១ឆ្នាំក្រុមគ្រួសារនេះស្នាក់នៅភូមិកើតហេតុខាងលើ។
ប្រភពពីក្រុមគ្រួសារក្មេងរងគ្រោះបានឲ្យដឹងថា នៅមុនពេលកើតហេតុម្តាយបានដាក់កូនឲ្យលេងនៅក្រោមផ្ទះហើយគាត់ឡើងដាំស្លម្ហូបអាហារបានបន្តិចគាត់ក៏ចុះមកយកកូនវិញតែមិនឃើញកូនហើយរកមើលផ្ទះជិតខាងមិនឃើញរួចរត់មកលើលពាងទឹកស្រាប់តែឃើញកូនខ្លួនធ្លាក់ក្នុងទឹកពាងលង់ស្លាប់បាត់ក៏មានការភ្ញាក់ផ្អើលតែម្តង។សពត្រូវបានក្រុមគ្រួសារធ្វើបុណ្យតាមប្រពៃណី៕
