វ៉ាស៊ីនតោន៖ការិយាល័យស៊ើបអង្កេតសហព័ន្ធអាមេរិក FBI បានឱ្យដឹងថា ខ្លួនទទួលបានដីកាឆែកឆេរ និងបានរកឃើញសារអេឡិចត្រូនិក ឬEmail ចំនួន ៦៥០,០០០សារនៅលើកំព្យូទ័រយួរដៃរបស់ អតីតសមាជិកសភាលោក Anthony Weiner ដែលគេជឿជាក់អាចមានជាប់ពាក់ព័ន្ធនឹងរឿងអាស្រូវប្រើប្រាស់ Email ឯកជនរបស់លោកស្រី ហ៊ីលឡារី គ្លីនតុន នៅអំឡុងពេលកាន់ដំណែងជារដ្ឋមន្ត្រីការបរទេស។
យោងតាម New York Times អ៊ីមែលចំនួន ៦៥០,០០០ នេះត្រូវបានរកឃើញនៅក្នុងក្របខណ្ឌនៃ ការស៊ើបអង្កេតជុំវិញករណី លោក Anthony Weiner បានផ្ញើសារ SMS មានទំនាក់ទំនងផ្លូវភេទជាមួយនឹង ក្មេងស្រីម្នាក់អាយុ១៥ឆ្នាំ ហើយនេះក៏ជាមូលហេតុនៃការលែងលះរវាងលោក និងលោកស្រី Huma Abedin ដែលជាជំនួយការដ៏ជិតស្និតម្នាក់របស់លោកស្រី គ្លីតុន ខណៈក្រុមអ្នកស៊ើបអង្កេតកំពុងត្រូវការដីកាមួយ ផ្សេងទៀតដើម្បីបន្តការស៊ើបអង្កេតលើការឆ្លើយឆ្លងគ្នាតាមរយៈ Email រវាងអ្នកទាំងពីរនាក់នេះសំដៅ កំណត់ថាតើវាមានជាប់ទាក់ទិននឹងរឿងអាស្រូវ Email ឯកជន ឬការរំលោភលើព័ត៌មានសម្ងាត់ពីសំណាក់ លោកស្រី គ្លីនតុន ឬក៏យ៉ាងណា។
យោងតាមការស្ទង់មតិរបស់ New York Times ចេញផ្សាយកាលពីថ្ងៃអាទិត្យ បានបង្ហាញថា លោក ដូណាល់ ត្រាំ បានទទួលសម្លេងគាំទ្រ ៤៦% ទល់នឹង៤២% របស់ លោកស្រីហ៊ីលឡារី គ្លីនតុន នៅបន្ទាប់ពីរឿងអាស្រូវ Email ត្រូវបាន FBI ផ្ដើមស៊ើបអង្កេតសារជាថ្មី៕
