ដោយ៖ប៉ែន សុផល
បាត់ដំបង៖កម្លាំងកងរាជអាវុធហត្ថស្រុកឯកភ្នំបានសហការជាមួយមន្ទីរយុត្តិធម៍និងមន្ត្រីជំនាំញជលផលបានចុះបង្ក្រាបនិងទប់ស្កាត់បទល្មើសនេសាទដែលចេះប្រព្រឹត្តិយ៉ាងគគ្រឹកកគ្រេងដោយមិនកោតខ្លាចនូវច្បាប់ទម្លាប់អ្វីសោះ។ តែងតែធ្វើនេសាទចាប់ត្រីគ្រប់ប្រភេទឡើងមកលក់ឲ្យពួកឈ្មួញទទួលទិញទាំងឡាននិងម៉ូតូស្ទើរគ្រប់ច្រកល្ហក់ដែលស្ថិតក្នុងឃុំព្រៃចាស់និងឃុំកោះជីវាងស្រុកឯកភ្នំនិងឃុំកំពង់ព្រៀងស្រុកសង្កែខេត្តបាត់ដំបង។
ជាក់ស្តែងនៅថ្ងៃទី២១-២២ ខែវិច្ឆិកា ២០១៦កម្លាំងPMស្រុកឯកភ្នំបានសហការជាមួយកម្លាំងជំញពាក់ព័ន្ធច្រើនផ្នែកចុះបង្ក្រាបករណីបទល្មើសនេសាទបានចំនួន១២គោលដៅស្មើរនឹង១៤ខ្សែនិងបង្គោលចំនួន២០០០ដើមនិងកាប់ដុតបំផ្លាញ់សាច់ស្បែអួនចំនួន៣៥០០ម៉ែត្រនិងរើបំផ្លាញ់ឡុកអស់ចំនួន១៥គ្រឿងព្រមទាំងព្រលែងកូនត្រីបានចំនួន១៨០កីឡូក្រាមទៀតផងកិច្ចប្រតិបត្តិការនេះបានប្រព្រឹត្តិទៅនៅថ្ងៃទី២១-២២ វិច្ឆិកា ២០១៦។
ប៉ន្តែចំណែកលោកប្រធានខណ្ឌរដ្ឋបាលជលផលខេត្តបានលើកឡើងថាបទល្មើសនេសាទបែបអនាធិបតេយ្យ កំពុងកើតឡើងពេញបន្ទុកនៅតាមដងទន្លេ ពិសេសចំណុចឃុំព្រៃចាស់និងឃុំកោះជីវាង ស្រុកឯកភ្នំ មន្ត្រីជំនាញជលផលបានចុះទៅបង្ក្រាបនិងទប់ស្កាត់យ៉ាងតឹងរ៉ឹងឬនាំគ្នាសម្ងំយកលុយដាក់ហោប៉ៅ ហើយបិទភ្នែកបិតច្រមុះដើរបង្ហួសធ្វើមិនដឹងមិនឮ ។
ប្រភពពីប្រជាពលរដ្ឋរស់នៅក្នុងស្រុកឯកភ្នំ បានបង្ហើបឲ្យ ដឹងថា បទល្មើសនេសាទ នៅតែកើតមានបែបអនាធិបតេយ្យស្ទើគ្រប់ច្រកល្ហក់ ដងទន្លេព្រែកពិសេសនៅចំណុចឃុំព្រៃចាស់និងឃុំកោះជីវាងស្រុកឯកភ្នំដោយជនខិលខូចមួយចំនួនធំបានកំពុងប្រើឧបករណ៍នេសាទខុសច្បាប់ ផ្គើននូវប្រសាសន៍របស់ប្រមុខរាជរាជរដ្ឋាភិបាល បានហាមឃាត់ដូចជា ៖របាំងស្បៃអួនក្រឡាល្អិតរាប់រយរាប់ពាន់ម៉ែត្រយកមកដាក់ជាការបំផ្លាញនូវពូជមច្ឆាជាតិ មិនដែលឃើញមានមន្ត្រីជំនាញណាម្នាក់បានចុះទៅធ្វើការទប់ស្កាត់ ឬបង្ក្រាបនោះឡើយ រីឯប្រជាពលរដ្ឋដែលគ្រាន់តែរកស៊ីដាក់ជាលក្ខណៈគ្រួសារប៉ុណ្ណោះត្រូវមន្ត្រីទាំងអស់នោះបានចុះទៅកាប់បំផ្លាញ ហាមឃាត់ភ្លាមៗ ។ ប្រភពបន្តទៀតថា មន្ត្រីជំនាញទាំងអស់នោះធ្វើបាបតែប្រជាពលរដ្ឋដែលនេសាទជាលក្ខណៈគ្រួសារបួនដប់ម្ភៃម៉ែត្រចំណែកជនខិលខូចមួយចំនួនធំដែលជាអ្នកមានលុយមានអំណាចប្រើប្រាស់ឧបករណ៍ស្បៃអួនក្រឡាញឹករាប់រយពាន់ម៉ែត្រ មន្ត្រីជំនាញពាក់ព័ន្ធទាំងអស់នោះ បែជាមើលមិនឃើញនិងទង្វើរជនខិលខូចនោះឡើយដោយមានការឃុបឃិតធ្វើមើលមិនឃើញគិតតែប្រយោជផ្ទាល់ខ្លួន ។
ពាក់ព័ន្ធទៅនិងករណីខាងលើ លោក ជួង សុភា នាយខណ្ឌរដ្ឋបាលជលផលខេត្តបាត់ដំបងបានអះអាងថា ពេលនេះលោកកំពុងតែដឹកនាំកម្លាំងចុះទៅដើម្បីទប់ស្កាត់និងធ្វើការបង្ក្រាបជាបន្ដបន្ទាប់និងបាននាំអ្នកសាពត៍មានម្នាក់ដើម្បីលប់លាងកំហុសខ្លួន ហើយដោយសារកម្លាំងរបស់លោកពេលនេះមានតិចហើយផ្ទៃដីដែលត្រូវចុះធ្វើការ មានទំហំធំរហូតទៅដល់ជាង ២០ម៉ឺនហិកតាហើយម្យ៉ាងវិញទៀតពេលចុះទៅម្តងៗ មានការចំណាយលុយច្រើនតែរយៈពេលពីរទៅបីថ្ងៃទៀតលោកនឹងដឹកនាំកម្លាំងចុះទៅទប់ស្កាត់និងបង្ក្រាបដល់ចំណុចខាងលើ ។
ប៉ុន្តែអ្នកសាព័ត៍មានជាច្រើនអង្គភាពនិងកំពុងចាំមើលខាងមន្ត្រីជំនាញរបស់លោកដែលអះអាងថានឹងដឹកនាំកម្លាំងដើម្បីចុះធ្វើការទប់ស្កាត់ និងបង្ក្រាបនោះ៕
