រាជធានីភ្នំពេញ៖តាមដីកាតុលាការព្រះសង្ឃ ប៊ុត ប៊ុនតិញ ត្រូវនិមន្តចូលទៅតុលាការរាជធានីភ្នំពេញ ជាលើកទី២ នៅព្រឹកថ្ងៃទី០៨ ខែធ្នូខាងមុខនេះ ដើម្បីសាកសួរជុំវិញបណ្តឹងបរិហារកេរ្តិ៍ជាសាធារណៈ ដែលប្ដឹងដោយលោក ម៉ម សូណង់ដូ ។ ប៉ុន្តែព្រះអង្គបានប្រកាសហើយថា មិនចូលបំភ្លឺតាមដីកាកោះនោះទេ ។
ព្រះតេជគុណ ប៊ុត ប៊ុនតិញ ស្ថាបនិកនៃបណ្ដាញព្រះសង្ឃឯករាជ្យ ត្រូវបាន លោក ម៉ម សូណង់ដូ ប្រធានវិទ្យុសំបុកឃ្មុំប្តឹងពីបទបរិហាកេរ្តិ៍ ហើយតុលាការក៏បានកោះហៅម្តងដែរ តែព្រះអង្គមិនបានចូល ។
នៅលើទំព័រហ្វេសប៊ុករបស់ព្រះអង្គ ព្រះតេជគុណ ប៊ុត ប៊ុនតិញ បានបង្ហាញការអាក់អន់ចិត្តចំពោះតុលាការរាជធានីភ្នំពេញ ដែលមិនបានប្រើប្រាស់សង្ឃស័ព្ទនៅក្នុងដីកាកោះហៅនោះ។ កាលពីថ្ងៃទី១៧វិច្ឆិកាកន្លងទៅ ព្រះអង្គប៊ុត ប៊ុនទិញ មិនបាននិមន្តចូលខ្លួនទៅបំភ្លឺតាមកោះហៅរបស់តុលាកាសាលាដំបូងរាជធានីភ្នំពេញ ដោយព្រះអង្គចាត់ទុកថា ចង់ឲ្យធ្វើតាមច្បាប់ វិន័យសង្ឃជាមុនសិន មុននឹងអនុវត្តន៍ច្បាប់រដ្ឋណាមួយលើព្រះអង្គ៕
