ទាហាន​ថៃ​យក​គ្រាប់បែកដៃ​បង្កៃ​នៅក្នុង​ចំការ​របស់​ប្រជាពលរដ្ឋ​ខ្មែរ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 2 December, 2016 ក+ ក-

​ខេត្តបាត់ដំបង​៖​កម្លាំង​ប៉ុ​ស្ត៍​នគរបាល ខ​ណះ​ដើរល្បាត​ខ្សែបន្ទាត់​ព្រំដែន​បាន​ប្រទះឃើញ​គ្រាប់បែកដៃ​១​គ្រាប់​ដែល​ទាហាន​ថៃ​យកមក​បង្កៃ​នៅក្នុង​ចំការ​ដំឡូង​របស់​ប្រជាពលរដ្ឋ​ខ្មែរ​។​
​លោក​អនុសេនីយ៍ត្រី សាត់ សុផាន់​ណា​រឹទ្ធ នាយ​ប៉ុ​ស្ត៍​នគរបាល​រដ្ឋបាល​អូរ​ជ្រៃ​បានអោយដឹង​ថាះ ការប្រទះឃើញ​គ្រាប់​ប្រភេទ​ទឹកដោះគោ​១​គ្រាប់​នៅវេលា​ម៉ោង​៩ និង​៣០​នាទី ថ្ងៃទី​៣០ ខែ​វិ​ច្ឆ​កា ឆ្នាំ​២០១៦​ក្នុង​ចំនុច​បង្គោល​សីមា​លេខ​៥៩​ឋិត​នៅលើ​ព្រំចំការ​ដំឡូង​របស់​ប្រជាពលរដ្ឋ​ក្នុងភូមិ​សាស្ត្រ​ស្រុក​កំរៀង ខេត្តបាត់ដំបង​ពេលដែល​លោក​បាន​ដឹកនាំ​កម្លាំង​ចំនួន​៩​នាក់​ដើរល្បាត និង​ពិនិត្យ​តាម​ខ្សែបន្ទាត់​ព្រំដែន​។​
​ពេលដែល​លោក​ប្រទះឃើញ​ភ្លាម​លោក​បាន​ដឹកនាំ​កម្លាំង​ដាក់​ហំព​ទ្ធ័​ខ្សែ​ហើយ​បាន​សុំ​គោលការណ៍​ពី​លោក​មេបញ្ជាការ​ដើម្បី​មាន​វិធានការ​ឬ​រង់ចាំ​ជំនាញ​ខាង​ស៊ីម៉ាក​មក​ដោះ​យកទៅ​រក្សាទុក មិនយូរប៉ុន្មាន​លុះដល់​ម៉ោង​១០ និង​៥០​នាទី​លេចមុខ​ខាង​ទាហាន​ឈុតខ្មៅ​ក្នុង​កង​រយ​លេខ​៥៤១​ចំនួន​២​នាក់​បាន​ចេញមក​ដោះ​គ្រាប់​នោះ​យកទៅ​វិញ ហើយ​បាន​សុំទោស​ដល់​កងកម្លាំង​ប៉ុស្តិ៍​អូរ​ជ្រៃ​និង​កម្លាំង​ការពារ​ព្រំដែន​លេខ​៥០៤​ផងដែរ​ចំពោះ​ការដាក់​គ្រាប់បែក​នេះ ប៉ុន្តែ​មិន​បញ្ជាក់​អំពី​គោលបំណង​នៃ​ការដាក់​បង្កៃគ្រាប់​នេះឡើយ​។​
​លោក​អនុសេនីយ៍ត្រី សាត់ សុផាន់​ណា​រឹទ្ធ បានអោយដឹង​បន្តរ​ថាះ ក្រោយ​ហេតុ​កើតឡើង​ពិសេស​ចំពោះ​ការទទួលស្គាល់​ដោយ​ក្រុម​ទាហាន​ឈុតខ្មៅ​ថៃ​រួចមក ខាង​ភាគី​កងកម្លាំង​កម្ពុជា​ក៍បាន​សំណូមពរ​ផងដែរ​ដល់​ភាគី​ថៃ​កុំ​ប្រព្រឹត្ត​អំពើ​បែបនេះ​បន្តរ​ទៀត​ព្រោះ​វា​នាំមក​នូវមាន​ការគ្រោះថ្នាក់​ដល់​អាយុជីវិត​របស់​ប្រជាពលរដ្ឋ​ស្លូតត្រង់ ម្យ៉ាងទៀត​តំបន់​ខាងលើនេះ​មិន​ធ្លាប់មាន​គ្រាប់មីន​ឬ​គ្រាប់បែក​នៅ​រាយប៉ាយ​ឡើយ​៕

img_9526-1img_9525