FA ចោទប្រកាន់ក្លឹបធំ២ពីបទ​គ្រប់គ្រង​កីឡាករ​មិនបាន​ល្អ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 6 December, 2016 ក+ ក-

​បាល់ទាត់​៖​សហព័ន្ធ​កីឡាបាល់ទាត់​របស់​ប្រទេស​អង់គ្លេស​(FA) បាន​ចោទប្រកាន់​ក្រុម​មេឃ​ខៀវ Manchester City និង ក្រុម​តោ​ខៀវ Chelsea ពីបទ​គ្រប់គ្រង​កីឡាករ​របស់​ពួកគេ​មិនបាន​ល្អ​នៅក្នុង​ការប្រកួត​ក្របខ័ណ្ឌ Premier League កាលពី​ថ្ងៃ​សៅរ៍​។​
​ការចោទប្រកាន់​របស់ FA ធ្វើឡើង​តែ​ប៉ុន្មាន​ថ្ងៃ​ប៉ុណ្ណោះ​ក្រោយពេល​ភាពអនាធិបតេយ្យ​មួយ​កើត​ឡើងលើ​ទីលាន​ប្រកួត​នៅ​ចុង​ម៉ោង​រវាង​ក្រុម​ទាំង​២ ហើយ​ជា​លទ្ធផល​ខ្សែប្រយុទ្ធ Sergio Aguero និង​ខ្សែបម្រើ Fernandinho ត្រូវ​ពិន័យ​កាត​ក្រហម ប៉ុន្តែ Cesc Fabregas របស់ Chelsea ដែលជា​អ្នកពាក់ព័ន្ធ​ដែរនោះ​មិន​ទទួលពិន័យ​អ្វី​ទេ​។​
​យ៉ង​ណ​សមិញ អ្នកចាត់ការ​ទូទៅ Pep Guardiola ក៏បាន​ចេញមក​សុំទោស​ជំនួស​ឲ្យ​កូនក្រុម​របស់លោក​ផងដែរ ក្រោយ​ចប់​ហេតុការណ៍​ខាងលើ​នោះ ប៉ុន្តែ​ទោះបី​យ៉ាងនេះ​ក្តី FA បាន​ពិន័យ Aguero មិន​ឲ្យ​ចូល​លេង​៤​ប្រកួត និង​ពិន័យ Fernandinho មិន​ឲ្យ​លេង​៣​ប្រកួត​។ ក្លឹប​ទាំងសងខាង​មាន​ពេល​ត្រឹម​ថ្ងៃទី​៨ ខែធ្នូ ដើម្បី​ធ្វើការ​តវ៉ា​៕

city_chelsea_large