យន្ដហោះចម្បាំងអាមេរិកធុន FA-18 មួយគ្រឿងធ្លាក់នៅជប៉ុន
ជប៉ុន៖រដ្ឋមន្ត្រីក្រសួងការពារជាតិជប៉ុនបាននិយាយថា វេលាម៉ោង៥ម៉ោងនៅជប៉ុនថ្ងៃទី៧ធ្នូម្សិលមិញនេះយន្ដហោះចម្បាំងអាមេរិកធុន McDonnell Douglas FA-18 Hornet មួយគ្រឿង បានធ្លាក់នៅឯតំបន់ Kochi ស្ថិតនៅភាគខាងត្បូងទីប្រជុំកោះសិនកាគូ។ នេះបើយោងទីភ្នាក់ងារសារព័ត៌មានជប៉ុន NHK ។
លោករដ្ឋមន្ត្រីបន្តថា ខណៈដែលយន្តហោះកំពុងធ្លាក់ អ្នកបើកយន្ដហោះចម្បាំង FA-18 បានលោតឆត្រយោងចុះទាន់ពេលវេលា។ ទន្ទឹមនោះរដ្ឋាភិបាលជប៉ុនបញ្ជូនយន្ដហោះ៦គ្រឿង និងនាវា២គ្រឿង ទៅកាន់តំបន់យន្ដហោះធ្លាក់ភ្លាមៗ។ ទោះបីយ៉ាងណាពេលនេះអាជ្ញាធរបាននិងកំពុងបើកការ ស៊ើបអង្កេតផងដែរ។
គួរបញ្ជាក់ថា កាលពីខែកញ្ញាកន្លងទៅ យន្ដហោះចម្បាំងអាមេរិកធុន Harrier ក៏បានធ្លាក់ផងដែរនៅភាគខាងកើតកោះ Okinawa៕
