ឧទ្ធរណ៍សម្រេចតម្កល់សាលក្រមសាលាដំបូងលោកនី ចរិយា
រាជធានីភ្នំពេញ៖នៅរសៀលម្សិលមិញសាលាឧទ្ធរណ៍បានសម្រេចតម្កល់សាលក្រមសាលាដំបូងរាជធានីភ្នំពេញ ទុកជាបានការ ករណីសំណុំរឿងលោក នី ចរិយា ដែលប្តឹងដោយមន្ត្រីតុលាការខេត្តសៀមរាបពីបទបរិហារកេរ្តិ៍។
យ៉ាងណាក៏ដោយ លោក សំ សុគង់ មេធាវីការពារក្តីឲ្យ លោក នី ចរិយា ចាត់ទុក សេចក្តីសម្រេចនេះ មិនបានផ្តល់ភាពយុត្តិធម៌ ឬមិនអាចទទួលយកបាននោះទេ។
សូមជម្រាបថា សាលាដំបូងរាជធានីភ្នំពេញកាលពីខែកញ្ញាកន្លងទៅ បានសម្រេចផ្តន្ទាទោស លោក នី ចរិយា អតីតប្រធានផ្នែកស៊ើបអង្កេតរបស់សមាគមអាដហុក ឲ្យជាប់ពន្ធនាគារចំនួន៦ខែ និងពិន័យជាប្រាក់ចំនួន៦លានរៀល ពាក់ព័ន្ធនឹងបណ្តឹងរបស់មន្ត្រីតុលាការខេត្តសៀមរាប ដែលប្តឹងលោកពីបទបរិហារកេរ្តិ៍៕
