ជំនន់ទឹកភ្លៀងហូរកាត់លើកំណាត់ផ្លូវជាតិលេខ៧
ខេត្តត្បូងឃ្មុំ៖នាព្រឹកថ្ងៃទី១៦ ខែធ្នូ ឆ្នាំ ២០១៦នេះលើកំណាត់ផ្លូវជាតិលេខ៧ក្នុងទីតាំងចំនួន២ ស្ថិតក្នុងភូមិសាស្ត្រ ស្រុកពញាក្រែក ខេត្តត្បូងឃ្មុំ កំពុងរងនូវជំនន់ទឹកភ្លៀងហូតកាត់រំខានដល់ការធ្វើចរាចរណ៍។
យោងតាមបណ្ដាញទំនាក់ទំនងសង្គម (Facebook) របស់ក្រសួងធនធានទឹក និងឧតុនិយម នៅថ្ងៃទី១៦ ខែធ្នូនេះ បានឲ្យដឹងថា ទឹកជំនន់បានហូរកាត់ពីលើកំណាត់ផ្លូវជាតិលេខ ៧ នូវចំណុច ២ ទីតាំង ខ្លាំងជាងគេ ស្ថិតក្នុងភូមិសាស្ត្រស្រុកពញាក្រែក ក្នុងនោះ៖ កំណត់ផ្លូវដែលស្ថិតនៅភូមិក្រែក ឃុំក្រែក ទឹកជន់ហូរកាត់ពីលើផ្លូវប្រវែង ៤៥០ ម៉ែត្រ ជម្រៅពី ០,២-០,៤ ម៉ែត្រ និងកំណាត់ផ្លូវដែលស្ថិតនៅភូមិពោធិក្រោម ឃុំកោងកាង ទឹកជន់ហូរកាត់ពីលើផ្លូវប្រវែង ៩០ ម៉ែត្រ ជម្រៅពី ០,១-០,២ ម៉ែត្រ៕
