បាល់ទាត់៖ខ្សែប្រយុទ្ធក្រុមជម្រើសជាតិអ៊ុយរូហ្គាយកីឡាករ Luis Suarez បានយល់ព្រមបន្តកិច្ចសន្យាថ្មីរយៈពេល៥ឆ្នាំថ្មីជាមួយក្រុមអ្នកមានបុណ្យ Barcelona ហើយកិច្ចសន្យានេះនិងធ្វើឡើងជាផ្លូវការនៅថ្ងៃសុក្រនេះ ។
កីឡាករវ័យ២៩ឆ្នាំរូបនេះ បានផ្លាស់ចេញពីក្រុមហង្សក្រហម Liverpool មកកាន់ Barcelona ក្នុងអំឡុងឆ្នាំ២០១៤ ក្នុងតម្លៃ៧៥លានផោននិងបានស៊ុតបញ្ចូលទី ៩៧គ្រាប់ក្នុងការបង្ហាញ ១១៦ ប្រកួតឲ្យក្រុមយក្សអេស្ប៉ាញ ហើយបានជួយ Barcelona ឈ្នះ ពានរង្វាន់ចំនួន៨ ក្នុងអំឡុងពេលវេលាខ្លីរបស់លោកនៅក្នុងប្រទេសអេស្ប៉ាញហើយក៏ជា អ្នកស៊ុតបញ្ចូលទីច្រើនបំផុតនៅ La Liga ផងដែរកាលពីរដូវកាលមុន (៤០គ្រាប់)។
Suarez គឺជាកម្លាំងសំខាន់បំផុតស្ថិតនៅក្នុងក្រុមប្រយុទ្ធ (Messi, Suarez, Neymar) របស់ Barcelona ហើយពួកគេទាំង៣ស៊ុតបញ្ចូលទីសរុបចូលគ្នា១៣១គ្រាប់ កាលពីរដូវកាលចាស់ជួយក្រុមមួយនេះឈ្នះពាន La Liga និង Copa del Rey។
គួរបញ្ជាក់ថា កុងត្រាថ្មីរបស់ Suarez មានសុពលភាពដល់ឆ្នាំ២០២១ហើយក្នុងករណីក្លឹបណាចង់ទិញផ្ដាច់កុងត្រា នាំយករូបគេទៅ ក្លឹបនោះត្រូវចំណាយរហូតដល់ ១៦៧,៥លានផោន៕
