ហាណូយ៖ទីភ្នាក់ងារសារព័ត៌មានស៊ិនហួរបានផ្សាយថា មនុស្សយ៉ាងហោចណាស់២៤នាក់បានស្លាប់បាត់បងជីវិត បន្ទាប់ពីភ្លៀងធ្លាក់ដ៏ខ្លាំងក្លាដែលបានបន្តរហូតមកតាំងពីថ្ងៃសៅរ៍សប្តាហ៍មុននៅភាគកណ្តាលប្រទេសវៀតណាម ។
អាជ្ញាធរក្នុងតំបន់បាននិយាយថា គិតត្រឹមរសៀលថ្ងៃចន្ទនេះ នៅក្នុងចំណោមមនុស្សស្លាប់ទាំង ២៤នាក់ខេត្ត Binh Dinh ភាគកណ្តាលប្រទេសវៀតណាមបានរាយការណ៍ អំពីតួលេខច្រើនជាងគេបង្អស់គឺដល់ទៅ ១៦នាក់, ខេត្ត Thua Thien-Hue មានអ្នកបាត់បង់ជីវិតប្រាំនាក់, ខេត្ត Khanh Hoa មានពីរនាក់, និងខេត្ត Phu Yen មានម្នាក់ ខណៈមនុស្សប្រមាណជា ១៦នាក់ទៀតបានទទួលរងបួស ហើយពីរនាក់ផ្សេងនៅតែបន្តបាត់ខ្លួននៅឡើយ។
អាជ្ញាបន្តថា ជំនន់ទឹកភ្លៀងនេះបានហូរនាំយកផ្ទះចំនួន ៣៣២ខ្នង, ធ្វើឲ្យខូចខាតចំនួន ១១៨ខ្នង, និងបណ្តាលឲ្យជន់លិច ៦,១៥០ខ្នង ខណៈមនុស្សសរុបចំនួន ៥,៨៩២គ្រួសារបានបង្ខំចិត្តជម្លៀសខ្លួនពីលំនៅឋានរបស់ពួកគេ។ បន្ថែមពីនេះទៀតវាលស្រែទំហំ ១៩,១២៨ហិកតា, ផ្ទៃដីចម្ការទំហំ៩,៨០៦ហិកតា, រួមនិងព្រៃឈើទំហំ ៣,៧៧៨ហិកតាត្រូវបានលិចលង់នៅក្រោមទឹកជន់ផងដែរ។ ទន្ទឹមនឹងនេះសត្វគោក្របីប្រមាណ១,៣៨០ក្បាល និងមាន់ទាចំនួន ៦២,៣៤៦ក្បាលបានងាប់ក៏ដូចជាកួចទៅតាមទឹកថែមទៀតផង៕
