រាជធានីភ្នំពេញ៖នៅថ្ងៃទី២៩ ខែធ្នូខាងមុខនេះ រដ្ឋមន្ត្រីក្រសួងសុខាភិបាល លោក ម៉ម ប៊ុនហេង នឹងចូលទៅបង្ហាញខ្លួននៅរដ្ឋសភា ដើម្បីបំភ្លឺលើសំណួររបស់តំណាងរាស្ត្រ បក្សប្រឆាំង ជុំវិញភាពមិនប្រក្រតីមួយចំនួន សំខាន់អំពើពុករលួយទាក់ទងមូលនិធិសកលលោកការចាត់ចែងឱសថនាំចូលការនិងការគ្រប់គ្រង់មិនបានត្រឹមត្រូវនូវប្រព័ន្ធតំហែទាំសុខាភិបាលរបស់ប្រទេស ដែលកំពុងតែខ្វះទំនុកចិត្តពីប្រជាពលរដ្ឋ។
លោក ស៊ុន ឆៃ តំណាងរាស្ត្របក្សប្រឆាំងថ្លែងថា ប្រសិនបើ លោក ម៉ម ប៊ុនហេង មិនអាចផ្តល់ចម្លើយសមស្របបានទេ គណបក្សសង្គ្រោះជាតិនឹងព្យាយាមឲ្យមានការដករូបលោកពីតំណែង ។
កត់សម្គាល់ថា វិស័យសុខាភិបាលនៅកម្ពុជា កំពុងប្រឈមបញ្ហាជាច្រើនដែលធ្វើឲ្យប្រជាពលរដ្ឋគ្រប់ច្រកល្ហកមិនសប្បាយចិត្ត រហូតដាក់បណ្តាសារថែមទៀត សំខាន់ទាក់ទងអតចរិក ក្រុមសីលធម៌ ខណដែលផ្ទៃក្នុងក្រសួងលេចឮភាពមិនប្រក្រតីជាច្រើនផងដែរ។ ប៉ុន្តែប្រសិនបើមានការផ្លាស់ប្តូរតំណែងលោក ម៉ម ប៊ុនហេង មែននោះ ប្រហែលជាប្រជាពលរដ្ឋគាំទ្រ និងសាទរ៕
