អគ្គរដ្ឋរុស្ស៊ីប្រចាំនៅទីក្រុងអង់ការ៉ា ប្រទេសតួកគីត្រូវខ្មាន់កាំភ្លើងបាញ់ស្លាប់
តួកគី៖ទីភ្នាក់ងារព័ត៌មាន RT របស់រុស្ស៊ីបានចេញផ្សាយនៅយប់ថ្ងៃទី១៩ ខែធ្នូ ឆ្នាំ២០១៦នេះថា អគ្គរដ្ឋទូតរុស្ស៊ីប្រចាំប្រទេសតួកគីត្រូវខ្មាន់កាំភ្លើងបាញ់ស្លាប់ អំឡុងពេលចូលរួមទស្សនាការតាំងពិព័ណ៌រូបថតមួយ នៅក្នុងទីក្រុងអង់ការ៉ា។
អគ្គរដ្ឋទូតរុស្ស៊ីប្រចាំទីក្រុងអង់ការ៉ា លោក Andreї Karlov ត្រូវបានខ្មាន់កាំភ្លើងបាញ់ឱ្យរបួសធ្ងន់ធ្ងរ ហើយលោកត្រូវបានបញ្ជូនទៅកាន់មន្ទីពេទ្យភ្លាមៗ ប៉ុន្តែដោយសាររងរបួសធ្ងន់ធ្ងរពេក គាត់បានស្លាប់បាត់បង់ជីវិតតែម្តង ។
ទោះជាយ៉ាងណាមិនទាន់មានការបញ្ជាក់ណាមួយពីជុំវិញករណីបាញ់ប្រហារនេះ សូម្បីតែព័ត៌មានពាក់ព័ន្ធនឹងខ្មាន់កាំភ្លើង ក៏ពុំទាន់ត្រូវបានគេបញ្ជាក់នោះដែរ៕
