បាល់ទាត់៖ក្រុមបិសាចក្រហម Manchester United ត្រូវបានគេរាយការណ៍ថា ក្រុមបានត្រៀមសំណើដាក់ជូន ក្លិប Real Madrid សម្រាប់ការផ្លាស់ប្តូរខ្សែការពារ Pepe នៅចុងបញ្ចប់នៃរដូវកាល នេះ។
កីឡាករវ័យ ៣៣ឆ្នាំរូបនេះ បានសម្រេចចាកចេញពីកីឡដ្ឋាន Bernabeuត្រឹម រយៈពេល៦ខែចុងនេះ ក្រោយពីមិនយល់ លើកិច្ចសន្យារបស់គាត់ ហើយ ត្រូវបានគេយល់ថាលោកនឹងស្វែងរកទ្រនំថ្មីនៅចុងបញ្ចប់នៃរដូវកាល ២០៦១-១៧ នេះ។
លោក Zinedine Zidane គ្រូបង្វឹករបស់ Real Madrid បានទទូចថាខ្សែការពារកណ្តាលនឹងមិនចាកចេញពីក្លិបនៅខែនេះទេប៉ុន្តែលោកបានបដិសេធមិនធ្វើអត្ថាធិប្បាយអំពីអនាគតយូរអង្វែង Pepe ក្រោយពីលិចឮថាកីឡាកររូបនេះបានភ្ជាប់ជាមួយនឹងការផ្លាស់ប្តូរទៅកាន់ប្រទេសចិន។
តាមកាសែត The Sun បានឲ្យដឹងថា Man United គឺត្រៀមខ្លួនដើម្បីប្រជែងជាមួយនឹងក្លឹបចិន សម្រាប់ហត្ថលេខារបស់អន្ដរជាតិព័រទុយហ្គាល់និងមានទំនុកចិត្តថាលោក Jose Mourinho គ្រូបង្វឹកនឹងអាចបញ្ចុះបញ្ចូលខ្សែការពារដែលមានបទពិសោធដើម្បីឲ្យមានការផ្លាស់ប្តូរមកប្រទេសអង់គ្លេសវិញ។
បិសាចក្រហមមិនសូវមានបញ្ហា ក្នុងការការពារកណ្តាលនោះទេប៉ុន្តែវាត្រូវបានគេយល់ថា Mourinho ចង់ឲ្យ Pepe ដែលធ្លាប់ធ្វើជាមួយនៅក្រុម Real Madrid ដើម្បីនាំយកបទពិសោធកម្រិតកំពូលក្នុងការត្រឡប់មកវិញក្រោយការដឹកនាំរបស់គាត់។
គួរបញ្ជាក់ថា Pepe, បានផ្ទេរចេញពី Porto មកកាន់កិឡាដ្ឋាន Bernabeu នៅឆ្នាំ ២០០៧ ហើយបានធ្វើការបង្ហាញខ្លួន ៣២៧ប្រកួតសម្រាប់ក្រុម Real Madrid និងជួយឲ្យ Real ឈ្នះពានរង្វាន់ Champions League ចំនួន២ដងនិងជើងឯកក្របខ័ណ្ឌ La Liga ចំនួន២ដងផងដែរ៕
