បាល់ទាត់៖ខ្សែប្រយុទ្ធរបស់ក្រុមហង្សក្រហម Liverpool កីឡាករ Roberto Firmino ត្រូវបានហាមមិនឲ្យបើកបររយៈពេលមួយឆ្នាំ និងពិន័យជាប្រាក់ ២០.០០០ផោន បន្ទាប់ពីត្រូវបានរកឃើញកំហុសថាកីឡាកររូបនេះបើកបរទាំងមានជាតិស្រវឹងនោះ។
កីឡាករវ័យ ២៥ឆ្នាំរូបនេះ ត្រូវបានប៉ូលីសចាប់ខ្លួននៅថ្ងៃណូអែលបន្ទាប់ពី បើករថយន្ដ Range Rover របស់គេទាំងមានជាតិអាល់កុល។
Firmino បាននិយាយថា: «ខ្ញុំសុំទោសទៅកាន់អ្នកចាត់ការទូទៅក្លិប, ក្រុមនិងអ្នកគាំទ្រ។ ខ្ញុំសន្យាដល់អ្នកគ្រប់គ្នានៅក្នុងគ្រួសារក្រុមហង្សក្រហម Liverpool ខ្ញុំនឹងមិនធ្វើកំហុសឆ្គងដូចនេះទៀតទេ»។
ប្រភពពីមេធាវីរបស់ Firmino ឲ្យដឹងថា ការឃាត់ខ្លួនពេលនោះ កើតឡើងប៉ុន្មានថ្ងៃបន្ទាប់ពីកីឡាករសញ្ជាតិប្រេស៊ីលរូបនេះត្រូវចោរគាស់ចូលលួចគ្រឿងអលង្កា, នាឡិកា និងសម្លៀកបំពាក់ មានតម្លៃសរុប៧០,០០០ផោន។
គួរបញ្ជាក់ថា ប្រាក់ឈ្នួលរបស់ Roberto Firmino នៅ Liverpool គឺ ១០០,០០០ផោនក្នុងមួយសប្ដាហ៍៕
