មុខសញ្ញាវ៉ៃប្លន់យ៉ាងសកម្មនៅខណ្ឌពោធិ៍សែនជ័យត្រូវសមត្ថកិច្ចឃាត់បាន២នាក់
ភ្នំពេញ៖កម្លាំងនគរបាលខណ្ឌពោធិ៍សែនជ័យចុះបង្ក្រាបមុខសញ្ញាវៃប្លន់យ៉ាងសកម្មបានចំនួន២នាក់ ប្រត្តិបត្តិការនេះកាលពីវេលាម៉ោង៩ព្រឹកថ្ងៃទី៦ ខែកុម្ភៈ ឆ្នាំ២០១៧នេះ នៅចំណុចផ្ទះជួលក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទី១ឈ្មោះ ប៊ូ រី អាយុ២៣ឆ្នាំ មុខរបរជាងដែក ស្នាក់នៅផ្ទះក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ។ ជនសង្ស័យទី២ ឈ្មោះ អន វណ្ណ: អាយុ២៤ឆ្នាំ ស្នាក់នៅផ្ទះជួល ភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ ស្រុកកំណើតនៅស្រុកពញាឮ ខេត្តកណ្តាល។
ក្រោយធ្វើការឃាត់ខ្លួនជនសង្ស័យបញ្ជូនទៅប៉ុស្តិ៍នគរបាលចោមចៅដើម្បីកសាងសំណុំរឿងបញ្ជូនទៅតុលាការ៕
