រាជធានីភ្នំពេញ៖កម្លាំងសមត្ថកិច្ចចំរុះរួមសហការណ៍ជាមួយនឹងកម្លាំងនគរបាលអន្តោប្រវេសន៍ និងកម្លាំងគយបានឃាត់ខ្លួនស្ត្រីជនជាតិជនជាតិវេណេហ្ស៊ុយអេឡាម្នាក់ នៅព្រលានយន្តហោះអន្តរជាតិភ្នំពេញ ជាមួយនឹងគ្រឿងញៀនប្រភេទកាកូអ៊ីនទម្ងន់១៧៩១,២៣ក្រាមដែលប្រើប្រាស់វិធីបង្កប់ក្នុងឡេវអាវរបស់ខ្លួន។ ហេតុការណ៍នេះកើតឡើងកាលពីរសៀលថ្ងៃទី០៧ ខែកុម្ភៈ ឆ្នាំ២០១៧ ស្ថិតនៅព្រលានយន្តហោះអន្តរជាតិភ្នំពេញ។
ស្ត្រីជនសង្ស័យមានឈ្មោះ MEJIAS NEILIN COROMOTO អាយុ២៨ឆ្នាំ ជនជាតិវេណេហ្ស៊ុយអេឡា កាន់លិខិតឆ្លងដែនលេខ 121100315។ ក្រោយធ្វើការឃាត់ខ្លួនសមត្ថកិច្ចដកហូតបានគ្រឿងញៀនប្រភេទកាកូអ៊ីនជិត២គីឡូក្រាម។ ស្ត្រីជនបរទេសរូបនេះត្រូវបានកម្លាំងសមត្ថកិច្ចធ្វើការឃាត់ខ្លួន ដើម្បីកសាងសំណុំរឿងកាត់ទោសតាមផ្លូវច្បាប់៕
