ដាម៉ាស់៖នៅក្នុងកិច្ចសម្ភាសន៍ជាមួយទីភ្នាក់ងារសារព័ត៌មានរដ្ឋ Sana ប្រធានាធិបតីស៊ីរី លោក បាហ្សា អាល់ អាស្សាដ បានអះអាងថា លោកនឹងចុះចេញពីតំណែងភ្លាមប្រសិនបើប្រជាជនស៊ីរីជ្រើសរើសបានប្រធានាធិបតីថ្មី។
លោកបានថ្លែងយ៉ាងដូច្នេះថា «បើសិនជាប្រជាជនស៊ីរីបោះឆ្នោតជ្រើសរើសប្រធានាធិបតីថ្មី ខ្ញុំនឹងចាកចេញពីអំណាចដោយស្វ័យប្រវត្តិ ត្បិតនៅក្នុងករណីនេះខ្ញុំគ្មានជម្រើសអ្វីត្រូវធ្វើនោះទេ ក្រៅតែពីបោះបង់ចោលរាល់មុខងារ ឬតួនាទីរបស់ខ្ញុំ ហើយខ្ញុំនិយាយនេះគឺជាការពិត។ ស៊ីរីមិនមែនជាកម្មសិទ្ធិផ្ដាច់មុខរបស់គ្រួសារខ្ញុំឡើយ ប៉ុន្តែជាវាកម្មសិទ្ធិប្រជាជនស៊ីរីទាំងអស់ ពោលគឺប្រជាជនស៊ីរីគ្រប់រូបអាចកាន់តំណែងជាប្រធានាធិបតីនេះបាន»។
គួរបញ្ជាក់ថាលោក អាស្សាដ បានជាប់ឆ្នោតជាប្រធានាធិបតីកាលពីខែមិថុនា ឆ្នាំ២០០០ តាមរយៈការបោះឆ្នោតប្រជាមតិ៕
