រាជធានីភ្នំពេញ៖កម្លាំងនគរបាលតាមចាប់ជនដៃដល់ដែលរឹតកសម្លាប់កូនស្រីមន្ត្រីរដ្ឋសភាដល់ក្នុងបន្ទប់ប្លន់យកទ្រព្យសម្បត្តិ នៅខណ្ឌច្បារអំពៅបានហើយ គឺជាពូបង្កើតរបស់ជនរងគ្រោះតែម្តង។
អធិការរងនគរបាលខណ្ឌច្បារអំពៅ លោក ម៉ៅ សឿត បានប្រាប់ឲ្យដឹងថា បន្ទាប់ពីមានករណីឃាតកម្មរឹតកសម្លាប់ប្លន់យកទ្រព្យសម្បត្តិ នាយឧត្តមសេនីយ៍ស្នងការ ជួន សុវណ្ណ បានបញ្ជាឲ្យកម្លាំងជំនាញ សហការគ្នា រហូតតាមចាប់ជនសង្ស័យបាន នៅស្រុកកៀនស្វាយ ខេត្តកណ្តាល នាថ្ងៃទី១០ ខែកុម្ភ: ឆ្នាំ២០១៧នេះ។
គួរបញ្ជាក់ថា ហេតុការណ៍នេះ កើតឡើងនៅផ្ទះលេខ៤៤៣ តាមផ្លូវបេតុង ស្ថិតនៅភូមិព្រែកជាងព្រហ្ម សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។ ចំណែកនារីរងគ្រោះឈ្មោះ ពៅ សុភ័ក្ត្រ អាយុ២២ឆ្នាំ មុខរបរនៅផ្ទះ ត្រូវបានជនដៃដល់យកខ្សែភ្លើង រឹតកបណ្ដាលសម្លាប់ក្នុងបន្ទប់ដេក៕
