ក្រឡាប់រថយន្តក្រុងនៅកោះតៃវ៉ាន់ស្លាប់មនុស្ស៣២នាក់ និងរបួស១២នាក់
តៃប៉ិ៖មនុស្ស៣២នាក់ស្លាប់ និង១២នាក់រងរបួសក្នុងករណីគ្រោះថ្នាក់ចរាចរណ៍ដ៏រន្ធត់មួយដោយរថយន្តក្រុងក្រឡាប់ ដែលករណីនេះកើតឡើងនៅវេលាម៉ោងប្រមាណ៩យប់ ថ្ងៃទី១៣ ខែកុម្ភៈ ឆ្នាំ២០១៧។ នេះបើយោងតាមសារព័ត៌មានចិន CGTN។
ប៉ូលិសនិយាយថា ក្នុងរថយន្តនោះមានមនុស្សសរុបទាំងអស់៤៤នាក់ ដោយធ្វើដំណើរពីតំបន់ Wuling Farm នៅក្នុងទីក្រុង Taichung ភាគខាងលិចនៃកោះតៃវ៉ាន់។ ប៉ូលិសបានអះអាងថា ករណីនេះកើតឡើងដោយសារបើកបរលើសល្បើនកំណត់៕
