ឃុំខ្លួនស្ត្រីម្នាក់ប្រើប្រាស់លិខិតឆ្លងដែនវៀតណាម សង្ស័យពាក់ព័ន្ធការសម្លាប់បងប្រុសលោក គីម ជុងអ៊ុន
គូឡាឡាំពួរ៖ប៉ូលិសម៉ាឡេស៊ីបានចាប់ និងឃុំខ្លួនជាបណ្តោះអាសន្នស្ត្រីមកពីភូមាម្នាក់ ដោយសង្ស័យថាមានជាប់ពាក់ព័ន្ធនឹងការធ្វើឃាតដោយបំពុលបងប្រុសមេដឹកនាំកូរ៉េខាងជើង គឺលោក គីម ជុងណាំ កាលពីថ្ងៃ១៣ ខែកុម្ភៈ នៅក្នុងប្រទេសម៉ាឡេស៊ី។ នេះបើតាម សារព័ត៌មាន Channel News Asia។
សារព័ត៌មានដដែលបញ្ជាក់ថា ស្ត្រីមកពីភូមាកំពុងជាប់ឃុំនៅក្នុងទីបញ្ជាការមួយកន្លែងក្នុងព្រលានយន្តហោះអន្តរជាតិទីក្រុងគូឡាឡាំពួរ ដែលស្ត្រីរូបនេះកាន់លិខិតឆ្លងដែនវៀតណាម ស្ត្រី រូបនេះគឺជាពលរដ្ឋវៀតណាម មានឈ្មោះថា Doan Thi Huong កើតនៅថ្ងៃទី៣១ ខែឧសភា ឆ្នាំ១៩៨៨ ក្នុង ខេត្ត Nam Dinh។ នេះបើតាមការបញ្ជាក់ពីមេបញ្ជាការរងនៃប៉ូលិសស៊ើបអង្កេត៕
