រាជធានីភ្នំពេញ៖នៅព្រឹកថ្ងៃទី១៦ ខែកុម្ភៈ ឆ្នាំ២០១៧នេះលោក គឹម សុខ អ្នកវិភាគសង្គម និងនយោបាយ បានទៅកាន់អយ្យការអមសាលាដំបូងរាជធានីភ្នំពេញដើម្បីស្នើសុំពន្យាពេលចូលបំភ្លឺ ពាក់ព័ន្ធការប្តឹងពីសម្តេចតេជោ ហ៊ុន សែន ក្នុងនាមប្រធានគណបក្សប្រជាជនកម្ពុជា និងជានាយករដ្ឋមន្ត្រីនៃកម្ពុជា ចំនួន២ករណីនោះ។
លោក គឹម សុខ បានបញ្ជាក់ប្រាប់ក្រុមអ្នកសារព័ត៌មានថា ការដាក់ពាក្យពន្យាពេលនេះ គឺដោយសារតែលោកមានពេលវេលាខ្លីពេករកមេធាវីការពារសិទ្ធិមិនទាន់។
គួរបញ្ជាក់ថា ព្រះរាជអាជ្ញាបានចេញដីកាកោះហៅលោក គឹម សុខ អ្នកវិភាគមួយរូបដែលចោទគណបក្សកាន់អំណាចជាអ្នកសម្លាប់លោកបណ្ឌិត កែម ឡី ឲ្យចូលខ្លួននៅថ្ងៃទី១៧ ខែកុម្ភៈ ឆ្នាំ២០១៧ខាងមុខ វេលាម៉ោង៩ និង០០នាទីព្រឹក និងបង្គាប់ឲ្យសមត្ថកិច្ចត្រួតពិនិត្យច្រកព្រំដែនទាំងផ្លូវគោក ផ្លូវទឹក និងផ្លូវអាកាស ហាមឃាត់ឈ្មោះ គឹម សុខ ជាជនសង្ស័យមិនឲ្យទៅក្រៅប្រទេស៕
