បំផ្ទុះគ្រាប់បែកលើទីសក្ការបូជាមួយនៅប៉ាគីស្ថានសម្លាប់មនុស្សជាង១០០នាក់
ប៉ាគីស្ថាន៖អាជ្ញាធរប៉ាគីស្ថាននិយាយថា មនុស្សជាង១០០នាក់បានស្លាប់ ខណៈដែលជិត១០០នាក់ផ្សេងទៀតរងរបួស នៅក្នុងហេតុការណ៍បំផ្ទុះគ្រាប់បែកអត្តឃាតមួយនៅទីសក្ការបូជាមួយកន្លែងក្នុងប្រទេសប៉ាគីស្ថាន។ នេះបើតាមសារព័ត៌មាន RT News ។
អាជ្ញាធរបន្តថា អ្នកបំផ្ទុះគ្រាប់បែកអត្តឃាតនេះបានចូលទៅកាន់ទីសក្ការបូជា Lal Shahbaz Qalandar ក្នុងទីក្រុង Sehwan Sharif គ្រាដែលកំពុងរៀបចំពិធីបុណ្យសាសនា មានឈ្មោះថា Dhamaal។ ជាមួយគ្នានេះក្រុមឧទ្ធាម ISIS ក៏បានប្រកាសទទួលស្គាល់ថា នេះជាទង្វើរបស់ពួកគេ។
គួរបញ្ជាក់ថា ទីសក្ការបូជានេះត្រូវបានសាងសង់ឡើងនៅជុំវិញផ្នូររបស់លោក Lal Shahbaz Qalandar ជាទស្សនៈវិទូ និងអ្នកតែងកំណាព្យដ៏ល្បី របស់ប៉ាគីស្ថាន៕
