ដោយ៖ប៉ែន សុផល
បាត់ដំបង៖ករណីនេះកើតឡើងនៅម៉ោង១៧ និង៣០នាទីថ្ងៃទី១៦ កុម្ភៈឆ្នាំ២០១៧ នៅចំណុចភូមិដូងឃុំបឹងរាំងស្រុកកំរៀងខេត្តបាត់ដំបង។
សមត្ថកិច្ចបានអោយដឹងថា ជនសង្ស័យឈ្មោះ ង៉ូវ សុខលីន ភេទប្រុស អាយុ២៥ឆ្នាំ(ជាប្តី)មុខរបរមិនប្រាកដបានយកខ្សែក្រវ៉ាត់ រឹតកជនរងគ្រោះ ជាប្រពន្ធរបស់ខ្លួនឯងឈ្មោះខឿនចំរើនភេទស្រីអាយុ៣៥ឆ្នាំមុខរបរលក់ដូររស់នៅចំណុចកើតហេតុខាងលើបណ្តាលអោយស្លាប់នៅក្នុងបន្ទប់ទឹក (មូលហេតុដោយមានទំនាស់និងគ្នា)ហើយជនរសង្ស័យបានជិះម៉ូតូគេចខ្លួនទៅផ្ទះម្តាយរបស់គេនៅស្រុកសាលាក្រៅខេត្តប៉ៃលិន។
សមត្ថកិច្ចបន្តថា ក្រោយពីទទួលពត៌មានពីសាច់ញាតិជនរងគ្រោះនៅវេលាម៉ោង១៨ និង០០នាទីថ្ងៃទី១៦ ខែកុម្ភៈ ឆ្នាំ២០១៧ កម្លាំងអាវុធហត្ថស្រុកកំរៀង បានចេញស្រាវជ្រាវរុករកជនសង្ស័យ រហូតចាប់ជនសង្ស័យបាននៅភូមិថ្នល់បត់ ឃុំស្ទឹងត្រង់ស្រុកសាលាក្រៅ ខេត្តប៉ៃលិនជាទីកន្លែងកំណើតរបស់ជនសង្ស័យ។
បច្ចុប្បន្នជនសង្ស័យឃាត់ខ្លួននៅក្នុង មូលដ្ឋាន អ/ហ ស្រុកកំរៀង ដើម្បីកសាងសំណុំ រឿងតាមនីតិវិធី រីឯសាកសពជនរងគ្រោះក្រុមគ្រួសាររៀបចំធ្វើបុណ្យតាមប្រពៃណី៕
