ព្រឹកនេះចៅក្រមសាលាដំបូងបន្តសាកសួរលោក គឹម សុខ
រាជធានីភ្នំពេញ៖នៅព្រឹកថ្ងៃទី១០ ខែមីនា ឆ្នាំ២០១៧នេះ ចៅក្រមស៊ើបសួរសាលាដំបូងរាជធានីភ្នំពេញ លោក រស់ ពិសិដ្ឋ បានបន្តសាកសួរលោក គឹម សុខ អ្នកឃ្លាំមើលនិងវិភាគសង្គម ពាក់ព័ន្ឋនឹងបទចោទ«ញុះញង់ឲ្យប្រព្រឹត្តបទឧក្រិដ្ឋជាអាទិ៍ និងបរិហារកេរ្ត៍ជាសាធារណៈ តាមពាក្យបណ្តឹងរបស់មេធាវីការពារក្តីសម្តេចតេជោ ហ៊ុន សែន។
គួរបញ្ជាក់ថា លោក គឹម សុខ ត្រូវបានតុលាការសម្រេចឃុំខ្លួនជាបណ្តោះអាសន្នកាលពីថ្ងៃទី១៧ ខែកុម្ភៈនេះ បន្ទាប់ពីលោកចូលបំភ្លឺជូនតំណាងអយ្យការ ពាក់ព័ន្ធនឹងករណីដែលលោកបានចោទប្រកាន់គណបក្សប្រជាជនកម្ពុជាថា ជាអ្នកសម្លាប់លោកបណ្ឌិត កែម ឡី ដោយមិនមានមូលដ្ឋានច្បាស់លាស់៕
