រាជធានីភ្នំពេញ៖លោក ប៉ា សុជាតិវង្ស អភិបាលរាជធានីភ្នំពេញ បានប្រកាសជាសាធារណថា លោកនឹងប្តឹងគណបក្សសង្គ្រោះជាតិ នៅតុលាការ ទាក់ទងការប្រើពាក្យស្លោកគោលនយោបាយ ដោយបានចោទមកលើមេឃុំ-ចៅសង្កាត់ថា «បម្រើបក្ស» ។ លោកបញ្ជាក់ថា លោកព្រមទទួលយកនូវញត្តិថ្កោលទោសរបស់គ្រប់ចៅសង្កាត់ទូទាំងរាជធានីភ្នំពេញ ដើម្បីស្នើឲ្យគណបក្សប្រឆាំង ដកនូវពាក្យស្លោករបស់ខ្លួនចេញវិញ ។
លោកអភិបាលថ្លែងដូច្នេះ នៅក្នុងពិធីបើកការដ្ឋានស្ថាបនាស្ពានបេតុង ឡុង ឈិន និងស្ថាបនាផ្លូវបេតុងឆ្អឹងដែកស្ថិតនៅសង្កាត់ព្រែកព្នៅ ខណ្ឌព្រែកព្នៅ នៅព្រឹកថ្ងៃទី១០ ខែមីនា ឆ្នាំ២០១៧នេះ ។
លោក ប៉ា សុជាតិវង្ស បានសង្កត់ធ្ងន់ថា ប្រសិន បើគណបក្សសង្គ្រោះជាតិមិនដកពាក្យស្លាកនោះចេញទេ ខ្ញុំនឹងប្តឹងទៅតុលាការ ដើម្បីរកយុត្តិធម៌ជូនក្រុមប្រឹក្សាសង្កាត់ ។ លោកបន្តថា រឿង ដូរមេឃុំបម្រើបក្ស ដាក់មេឃុំបម្រើរាស្ត្រ ពាក្យនេះគួរតែដូរគោលនយោបាយចេញទៅ ក្រុមប្រឆាំងចូលចិត្តតែឃោសនាប្រជាភិថុតិអញ្ចឹង៕
