ព្រះសីហនុ៖ ជនជាតិរុស្ ស៊ីមួយក្រុមមានគ្នាប្រមាណជិត១០នាក់ បានចូលក្នុងកាស៊ីណូឃ្វីនកូ ហើយបាញ់ឡើងលើ ចំនួន៣គ្រាប់ ដើម្បីគំរាមសន្តិសុខ ហើយក្នុងចំណោមនោះ មានម្នាក់ បានប្រើកូនកាំបិត ចាក់ជនជាតិរុស្សីម្នាក់ទៀត ដែលកំពុងអង្គុយហូបអាហារបណ្តាលរងរបួសធ្ងន់ធ្ងរ។ ហេតុការណ៍នេះ បានកើតឡើង នៅវេលាម៉ោង ៨និង៣០នាទី យប់ថ្ងៃទី១៣ ខែកុម្ភៈ ឆ្នាំ២០១៥ នៅឆ្នេរសមុទ្រម្លប់ជ្រៃ ក្នុងភូមិ២ សង្កាត់លេខ៣ ក្រុងព្រះសីហនុ។
សាក្សីនៅកន្លែងកើហេតុបាននិយាយថាមុនពេលកើតហេតុ គេឃើញរថយន្តម៉ាក លុចស៊ីស ៤៥០ មួយគ្រឿង ពណ៌ទឹកមាស និងម៉ូតូធំមួយគ្រឿងទៀត ជិះចូលទៅក្នុងកាស៊ីណូឃ្វីគោ ហើយក៏ឃើញជនបរទេស (រុស្ស៊ី) ប្រហែលជា១០នាក់ ចុះពីរថយន្ត។
មួយសន្ទុះក្រោយមក គាត់បានឮស្នូរផ្ទុះគ្រាប់កាំភ្លើង ចំនួន៣គ្រាប់ ហើយពួកជនបរទេសនោះ ក៏នាំគ្នាបើករថយន្ត និងម៉ូតូចេញទៅបាត់អស់ទៅ ស្រាប់តែពេលនោះ ក៏មានសន្តិសុខម្នាក់ ដែលប្រចាំការ នៅក្នុងកាស៊ីណូ បានស្រែកថា មានបុរសជនជាតិរុស្សីម្នាក់ ត្រូវគេចាក់មួយកាំបិត ឲ្យរងរបួសធ្ងន់ណាស់។ បន្តិចក្រោយមក ក៏ឃើញសមត្ថកិច្ច និង រថយន្តមន្ទីរពេទ្យ ក៏មកដឹកអ្នករបួសចេញពីកាស៊ីណូតែម្តង៕fpm
