រាជធានីភ្នំពេញ៖មនុស្ស២នាក់បានស្លាប់ភ្លាមៗនៅនឹងកន្លែងកើតហេតុ និង១០នាក់ផ្សេងទៀតរងរបួសរបួសធ្ងន់-ស្រាល នៅក្នុងហេតុការណ៍គ្រោះថ្នាក់ចរាចរណ៍មួយកើតឡើងរថយន្តរថយន្តហាយឡែនឌ័រ បុកគ្នាជាមួយនឹងរថយន្តទួរីស។ ករណីដ៏រន្ធត់នេះកើតឡើងកាលពីវេលាម៉ោងជិត១រំលងអាធ្រាត្រថ្ងៃទី០៤ ខែមេសា ឆ្នាំ២០១៧ ស្ថិតនៅតាមបណ្តោយផ្លូវជាតិលេខ៦អា សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ។
ប្រភពព័ត៌មានបានឲ្យដឹងថា មុនពេលកើតហេតុគេឃើញរថយន្តម៉ាកហាយឡែនឌ័រ មួយគ្រឿងពាក់ស្លាកលេខ ភ្នំពេញ 2AL-1953 បានធ្វើដំណើរតាមបណ្តោយផ្លូវជាតិលេខ៦ ក្នុងទិសដៅពីជើងទៅត្បូង លុះមកដល់ចំណុចកើតហេតុរថយន្តបានរ៉េទៅឆ្វេងបុកខឿនសួនច្បារពុះចែកទ្រូងផ្លូវ ហើយហោះផ្លោងទៅបុកនឹងរថយន្តទួរីសដឹកអ្នកដំណើរពាក់ស្លាកលេខ ភ្នំពេញ 2L-8824 ដែលបើកបរបញ្ច្រាសទិសគ្នាពេញទំហឹង បណ្តាលឲ្យស្លាប់មនុស្ស២នាក់ដោយសពបុរសម្នាក់គៀបជាប់ក្នុងរថយន្ត (តៃកុងរថយន្តហាយឡែនឌ័រគៀបស្លាប់ក្នុងរថយន្ត) និងរបួសជាង១០នាក់តែម្តង។
ក្រោយកើតហេតុសមត្ថកិច្ចបានចុះមកធ្វើការអន្តរាគមន៍នៅកន្លែងកើតហេតុ និងជួយហៅរថយន្តសង្គ្រោះដឹកជនរងគ្រោះទៅមន្ទីរពេទ្យ៕
