ដោយ៖ប៉ែន សុផល
បាត់ដំបង៖មនុស្ស២នាក់បានស្លាប់ភ្លាមៗនៅនឹងកន្លែង ខណៈដែល៥នាក់ផ្សេងទៀតបានរងរបួសធ្ងន់ក្នុងករណីគ្រោះថ្នាក់ចរាចររថយន្តចុះពីលើភ្នំព្រឹកបណ្ដាលឲ្យក្រឡាប់ដោយខ្លួនឯង ដែលរកណីនេះកើតឡើងកាលពីវេលាម៉ោង០៥ និង១៤នាទីព្រឹកថ្ងៃទី០៥ ខែមេសា ឆ្នាំ២០១៧ នៅចំណុចចុះពីលើភ្នំព្រឹក មុខវត្តរតនះភ្នំព្រឹក ស្ថិតក្នុងភូមិថ្នល់បត់ ឃុំអូររំដួល ស្រុកភ្នំព្រឹក។
រថយន្តដែលក្រឡាប់ម៉ាក HYUNDAI (ហ៊ីយ៉ាន់ដាយ) ពាក់ស្លាកលេខ 3B 6063 ដឹកស៊ីម៉ងត៍ ចេញពីស្រុកសំពៅលូន ទិសដៅមកស្រុកភ្នំព្រឹក មកដល់ចំណុចកើតហេតុខាងលើ រថយន្តដាច់កង់បណ្តាលឲ្យក្រឡាប់ធ្លាក់ផ្លូវតែម្តង។
តាមប្រភពព័ត៌មានបានឲ្យដឹងថា ជនរងគ្រោះទី១.ឈ្មោះ រិន ភារម្យ ភេទប្រុស អាយុ១៨ឆ្នាំ រស់នៅភូមិ ស្នាកណ្តាល ឃុំដូនទៃ ស្រុកពញ្ញាក្រែក ខេត្តត្បូងឃ្មុំ(ស្លាប់)។ ទី២. ឈ្មោះ អ៊ីន ប៊ុនណាត ភេទប្រុស អាយុ៣៦ឆ្នាំ រស់នៅភូមិបឹងក្រឡ ឃុំបឹងប្រាំ ស្រុកបវេល ខេត្តបាត់ដំបង(ស្លាប់) ។ ចំណែកអ្នករងរបួសទាំង៥នាក់មិនស្គាល់អត្តសញ្ញាណព្រោះត្រូវបានបញ្ជូនទៅមន្ទីពេទ្យអស់ភ្លាមៗក្រោយពេលកើតហេតុ។
បច្ចុប្បន្នសពត្រូវបានប្រគល់អោយសាច់ញាតិយកទៅធ្វើបុណ្យតាមប្រពៃណី ចំណែករថយន្តត្រូវបានសមត្ថិយកមករក្សាទុក្ខរង់ចាំដោះស្រាយនៅពេលក្រោយ៕
