ក្រសួងមហាផ្ទៃកំពុងស្នើឲ្យចាប់ខ្លួន ឈាន ពិសិដ្ឋ ពីក្រៅប្រទេស
រាជធានីភ្នំពេញ៖លោក ខៀវ សុភ័គ អ្នកនាំពាក្យក្រសួងមហាផ្ទៃបានឲ្យដឹងថា សមត្ថកិច្ចកម្ពុជាកំពុងរៀបចំធ្វើឯកសារស្នើ សុំឲ្យប្រទេសជិតខាងចាប់បញ្ជូនខ្លួនលោក ឈាន ពិសិដ្ឋ បញ្ជូនមកកម្ពុជាវិញ។ យ៉ាងណាក៏ដោយ លោកមិនបានបញ្ជាក់ថា លោក ឈាន ពិសិដ្ឋ កំពុងលាក់ខ្លួននៅប្រទេសណាមួយនោះទេ។
លោក ឈាន ពិសិដ្ឋ នាយរងប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត ត្រូវបានក្រសួងមហាផ្ទៃសម្រេចដកតំណែង និងក្របខណ្ឌនគរបាលជាតិ បន្ទាប់ពីបានប្រើប្រាស់អាវុធបាញ់ទៅលើមន្ត្រីដែលធ្វើការជាមួយគ្នាកាលពីសប្តាហ៍មុន។ ទន្ទឹមនោះរដ្ឋមន្ត្រីក្រសួងមហាផ្ទៃក៏បានបញ្ជាឲ្យចាប់បញ្ជូនឈ្មោះ ឈាន ពិសិដ្ឋ នេះទៅតុលាការដើម្បីអនុវត្តន៍ច្បាប់ផងដែរ៕
