មនុស្ស៤៤នាក់ស្លាប់ ករណីរថយន្តក្រុងធ្លាក់ជ្រោះនៅឥណ្ឌា
ឥណ្ឌា៖មន្ត្រីរដ្ឋាភិបាលឥណ្ឌាថ្លែងប្រាប់ទីភ្នាក់ងារព័ត៌មាន AFPថា រថយន្តក្រុងដឹកអ្នកដំណើរចំនួន៥៦នាក់មួយគ្រឿងបានរអិលធ្លាក់ផ្លូវនៅតាមជើងភ្នំ ហើយធ្លាក់ទៅក្នុងជ្រោះជ្រៅមួយនៅតំបន់ Himalayan នៃរដ្ឋ Himachal Pradesh ចម្ងាយប្រមាណ១១៥គីឡូម៉ែត្រនៃរដ្ឋធានី Shimla ភាគខាងជើងនៃប្រទេសឥណ្ឌាបណ្តាលឲ្យស្លាប់មនុស្សអស់៤៤នាក់។
នគរបាលបានថ្លែងថា ក្រុមអ្នកជួយសង្គ្រោះបានជួយដល់អ្នកដែលធ្លាក់កប់នៅក្នុងជ្រោះ ហើយបានជួយអ្នកដំណើរមួយចំនួននៅមានជីវិត និងរងរបួស។ នគរបាលបានបញ្ជាក់ថា ថយន្តនោះជាកម្មសិទ្ធិរបស់ក្រុមហ៊ុនឯកជន។
គួរបញ្ជាក់ថា ឥណ្ឌាគឺជាប្រទេសដែលមានប្រជាពលរដ្ឋស្លាប់ច្រើនជាងគេនៅលើពិភពលោកដោយសារស្ថានភាពផ្លូវអាក្រក់ពេលធ្វើដំណើរ គឺក្នុង១ឆ្នាំស្លាប់១៥០ ០០០នាក់៕
