ពិធីបូជាសពស្តេចថៃ Bhumibol នឹងធ្វើឡើងនៅថ្ងៃទី២៦ ខែតុលា
បាងកក៖មន្ត្រីរដ្ឋាភិបាលថៃបាននិយាយថា ព្រះបរមសពក្សត្រ Bhumibol ដែលបានចូលទីវង្គតកាលពីឆ្នាំ២០១៦នោះ នឹងត្រូវបូជាជាផ្លូវការនៅថ្ងៃទី២៦ខែតុលា ហើយពិធីបុណ្យបូជាសពនេះនឹងត្រូវប្រើប្រាស់ពេលចំនួន៥ថ្ងៃ។
ក្រោយការកំណត់កាលបរិច្ឆេទនៃការបូជាសពនេះ ក៏មានការរៀបចំការបរិច្ឆេទនៃការឡើងសោយរាជ្យជាផ្លូវការនៃបុត្ររបស់ក្សត្រអង្គនេះផងដែរ។ ក្សត្រ Maha Vajiralongkorn ត្រូវបានប្រកាសថា ឡើងសោយរាជ្យកាលពីខែធ្នូឆ្នាំ២០១៦ ប៉ុន្តែពិធីនឹងធ្វើឡើងជាផ្លូវការនៅពេលដែលពិធីបូជាសពបីតារបស់ព្រះអង្គរួចរាល់។
ដោយឡែកមន្ត្រីព្រះបរមរាជវាំងបានបញ្ជាក់ថា ក្សត្របច្ចុប្បន្នបានយល់ព្រមជាមួយគម្រោងផែនការរបស់រដ្ឋាភិបាល លើពិធីបូជាសព នៅថ្ងៃទី២៦ខែតុលា៕
