អាណោចអាធ័មណាស់! ស្ត្រីម្នាក់ត្រូវរន្ទះបាញ់ស្លាប់កណ្តាលវាលស្រែ
ខេត្តកំពង់ឆ្នាំង៖ស្ត្រីម្នាក់បានស្លាប់ និងគោ២ក្បាលបានងាប់កណ្តាលវាលស្រែដោយសាររន្ទះបាញ់ ខណៈដែលស្ត្រីរងគ្រោះដឹកគោពេលកំពុងភ្លៀង ដែលហេតុការណ៍នេះកើតឡើងកាលពីវេលាម៉ោង៣ និង៣០នាទីថ្ងៃទី២៥ ខែមេសាឆ្នាំ២០១៧ នៅឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង។
ប្រភពឱ្យដឹងថា ស្ត្រីរងគ្រោះឈ្មោះ នួន សុខុម អាយុ៤៩ឆ្នាំ មានទីលំនៅភូមិឃុំកើតហេតុខាងលើ។ ប្រភពបន្តថា មុនពេលកើតហេតុ ស្ត្រីរងគ្រោះបានដឹកគោ២ក្បាលឱ្យស៊ីស្មៅតាមស្រែ ពេលនោះមេឃកំពុងមានភ្លៀងរលឹមស្រិចៗ ក៏ស្រាប់តែមានរន្ទះបាញ់ចំស្រី្តរងគ្រោះតែម្តង បណ្តាលឱ្យយ៉ាងអាណោចអាធ័ម។ ចំណែកគោ២ក្បាលដែលស្ត្រីនោះកំពុងដឹក ក៏ត្រូវរន្ទះបាញ់ងាប់ទាំងពីរផងដែរ៕
