មនុស្ស៧នាក់ស្លាប់ និងរបួសក្នុងករណីបាញ់ប្រហារនៅក្រុង San Diego
អាមេរិក៖ខ្មាន់កាំភ្លើងម្នាក់បានបើកការបាញ់ប្រហារនៅទីតាំងអាងហែលទឹកកម្សាន្តមួយកន្លែងក្នុងទីក្រុង San Diego រដ្ឋកាលីហ្វរញ៉ា សហរដ្ឋអាមេរិក បណ្តាលឲ្យមនុស្សយ៉ាតិចចំនួន០៧នាក់បានរបួសហើយជនរងគ្រោះម្នាក់ក៏បានដាច់ខ្យល់ស្លាប់ដែរ ដោយសារតែរងរបួសធ្ងន់ពេក។ នេះបើយោងតាមទីភ្នាក់ងារព័ត៌មានចិន ស៊ិនហួរ។
យោងតាមប៉ូលិសប្រចាំនៅតំបន់កើតហេតុបាននិយាយថា ជនរងគ្រោះមួយចំនួនស្ថិតក្នុងស្ថានភាពធ្ងន់ធ្ងរ ដោយសារតែការវាយប្រហារខាងលើនេះ។ ប៉ូលិសបញ្ជាក់ថា ខ្មាន់កាំភ្លើងជាបុរសជនជាតិស្បែកសម្នាក់ប្រដាប់ដោយកាំភ្លើងមួយដើមត្រូវបានបាញ់សម្លាប់ដោយមន្ត្រីប៉ូលិសបីនាក់ ដែលបានមកដល់កន្លែងកើតហេតុ។
ទោះបីយ៉ាងណាជុំវិញករណីបាញ់ប្រហារខាងលើនេះសមត្ថកិច្ចបាននិងកំពុងបើកការស៊ើបអង្កេតនៅឡើយ៕
