ភ្នំពេញ៖ លទ្ធផលចុងក្រោយនៃការ អង្កេតចន្លោះជំរឿនសហគ្រាសកម្ពុជាឆ្នាំ២០១៤ បានបង្ហាញថា ចំនួនសហគ្រាសសរុបនៅក្នុងប្រទេសកម្ពុជាមានចំនួន ៥១៣.៧៥៩ ដោយមិនរាប់បញ្ចូលសហគ្រាសតាមចិញ្ចើមថ្នល់នោះទេ។
សេចក្តីប្រកាសព័ត៌មានដែលចេញផ្សាយ នៅថ្ងៃទី២៥ ខែកុម្ភៈ ឆ្នាំ ២០១៥ ក្នុងពិធីប្រកាសផ្សព្វផ្សាយលទ្ធផលចុងក្រោយ នៃអង្កេតចន្លោះជំរឿន សហគ្រាសកម្ពុជាឆ្នាំ២០១៤ បានបង្ហាញថា ប្រទេសកម្ពុជាមានសហគ្រាសសរុបចំនួន៥១៣.៧៥៩សហគ្រាស និងក្នុងចំនួនមនុស្ស១.០០០នាក់មានសហ គ្រាស ចំនួន៣៣,៨សហគ្រាស។ បើប្រៀបធៀបជាមួយប្រទេសដទៃ ដូចជាប្រទេស ជប៉ុនមានចំនួនសហគ្រាស៥,៨លាននាក់ និងក្នុងចំនួនមនុស្ស១.០០០នាក់មាន ៤៥,៤សហគ្រាស និងប្រទេសវៀតណាមមានសហគ្រាសចំនួន ៥,២លាន និង ក្នុងចំនួនមនុស្ស១.០០០នាក់មាន៥៨,២សហគ្រាស និងប្រទេសឡាវមាន ២០៩.០០០សហគ្រាស និងក្នុងចំនួនមនុស្ស១.០០០នាក់មាន៣៧,៤សហ គ្រាស ។ ក្នុងចំណោមប្រទេសទាំង៤នេះ កម្ពុជាមានសហគ្រាសតិចនៅឡើយ បើប្រៀបធៀបជាមួយទំហំប្រជាពលរដ្ឋ ទោះបីជាមានកំណើនសហគ្រាសនាពេលកន្លងមកក៏ដោយនោះ។
ការអង្កេតចន្លោះជំរឿនសហគ្រាសឆ្នាំ២០១៤នេះ ប្រើប្រាស់ថវិកាសរុបជិត ៣០០.០០០ដុល្លារអាមេរិក ក្នុងនោះជំនួយពីទីភ្នាក់ងារសហប្រតិបត្តិការអន្តរជាតិជប៉ុនចំនួន ១៩២.០០០ដុល្លារ ជំនួយឥតសំណងរបស់រដ្ឋាភិបាលជប៉ុនចំនួន ៣២.៥៦៤ដុល្លារ និងថវិកាបដិភាគពីរាជរដ្ឋាភិបាលកម្ពុជាចំនួន៧១.៧៩៨ដុល្លារ អាមេរិក។
ដែលបានប្រកាសផ្សព្វផ្សាយមជ្ឈមណ្ឌលសហប្រតិបត្តិការកម្ពុជា-ជប៉ុន កាលពីថ្ងៃទី២៥ ខែកុម្ភៈ ឆ្នាំ២០១៥បានបង្ហាញថា ចំនួនសហគ្រាសសរុបនៅក្នុងប្រទេសកម្ពុជាមាន៥១៣.៧៥៩ ដោយមិនរាប់ បញ្ចូល សហគ្រាសតាមចិញ្ចើមថ្នល់នោះឡើយ។
សេចក្តីប្រកាសព័ត៌មាន ដដែលឲ្យដឹងថា ចំនួនសហគ្រាសនៅកម្ពុជាកើនឡើង ៥០.៣៩៦សហគ្រាស ពីឆ្នាំ២០១១ ដល់ឆ្នាំ២០១៤ ហើយចំនួនអ្នកចូលរួមការងារ សរុបមានចំនួន១.៨៧៤.៦៧០នាក់ ដោយមិនរាប់បញ្ចូលសហគ្រាសនៅតាមចិញ្ចើមផ្លូវឡើយ។ នៅរាជធានីភ្នំពេញសហគ្រាសមានច្រើនជាងគេបំផុត គឺ៩៧.២០០សហគ្រាស ឬស្មើ១៨,៩% នៃចំនួនសហគ្រាសសរុបទូទាំងប្រទេស បន្ទាប់មកគឺខេត្តកំពង់ចាមមាន៥៤.២៣១ ឬ១០,៦% ខេត្តកណ្តាលមានចំនួន ៣៨.៦៧៩ ឬ៧,៥% ខេត្តសៀមរាបមាន៣៧.៦២២ឬ៧,៣% និងខេត្តតាកែវមាន ៣២.៧៨០ ឬ៦,៤% ។ រាជធានី-ខេត្តទាំង៥នេះស្ថិតនៅតំបន់វាលទំនាបឬរាយ នៅតាមដងបឹងទន្លេសាប ដោយបានស្រូបយកជាង៥០% នៃចំនួនសហគ្រាស សរុប៕fpm
