ម៉ោង១០ព្រឹកថ្ងៃនេះសំឡេងអបអរសាទរនឹងផ្ទុះឡើង
រាជធានីភ្នំពេញ ៖ សម្តេច ហ៊ុន សែន បានណែនាំដល់មន្ត្រីគ្រប់ លំដាប់ថ្នាក់ ព្រះសង្ឃ និងប្រជាពលរដ្ឋទាំងអស់រួមគ្នារៀបចំពិធី អបអរសាទរ បន្ទាប់ពី «ប្រាសាទសំបូរព្រៃគុក» ត្រូវបានចុះបញ្ជីជាសម្បត្តិបេតិកភណ្ឌពិភពលោកដោយវាយគង ទូងស្គរ ទះប៉ោត និងគោះត្រដោកនៅតាម ទីសាធារណៈសំខាន់ៗ ចាប់ពីក្នុងក្រសួង រហូតដល់តាមភូមិ នៅវេលាម៉ោង១០ព្រឹកថ្ងៃទី១០ ខែកក្កដា ឆ្នាំ២០១៧នេះ ។
ដូច្នេះប្រសិនបើបងប្អូនឮសម្លេងទាំងនោះមេត្តាកុំភ្ញាក់ផ្អើល ព្រោះជាសម្លេងអបអរសាទរប្រាសាទសំបូរព្រៃគុក កម្ពុជាត្រូវបានចុះបញ្ជីជាសម្បត្តិបេតិកភណ្ឌពិភពលោក នាថ្ងៃទី៨កក្កដា ឆ្នាំ២០១៧នេះ ៕
