បក្សប្រឆាំងស្នើឲ្យបង្កើតការិយាល័យបោះឆ្នោតតាមព្រំដែន និងបណ្តាប្រទេស
រាជធានីភ្នំពេញ ៖ លោក ស៊ុន ឆៃ តំណាងរាស្ត្រមកពីគណបក្សសង្គ្រោះជាតិ បានស្នើឲ្យគណៈកម្មាធិការជាតិ រៀបចំការបោះឆ្នោត ស្នើថវិកាពីរាជរដ្ឋាភិបាល ដើម្បីបង្កើត ការិយាល័យបោះឆ្នោត និងការិយាល័យ ចុះឈ្មោះបោះឆ្នោត នៅតាមបណ្តោយព្រំដែន និងតាមប្រទេសមួយចំនួន ដែលមានប្រជាពលរដ្ឋខ្មែររស់នៅប្រទេសនោះច្រើន ។ ប៉ុន្តែការស្នើនេះមិនមែនជាករណីដែលទាមទាឲ្យប្ដូរច្បាប់ទេ ប៉ុន្តែ គ.ជ.ប ត្រូវទទួលខុសត្រូវក្នុងការដែលរាជរដ្ឋាភិបាល បានប្រគល់ភារកិច្ចឲ្យបំពេញ ក្នុងការធានាការបោះឆ្នោត ។
ការស្នើសុំដូច្នេះរបស់លោក សុន ឆៃ គឺនៅក្នុងកិច្ចពិភាក្សា តុមូលស្ដីពីអនុសាសន៍ សម្រាប់ធ្វើបច្ចុប្បន្នភាព បញ្ជីបោះឆ្នោត និង ការចុះឈ្មោះបោះឆ្នោត ឆ្នាំ២០១៧ នៅថ្ងៃទី១៩ ខែកក្កដា ឆ្នាំ២០១៧នេះ ៕
