នីហ្សេរីយ៉ា ៖ ប៉ូលិសបាននិយាយថា យ៉ាងហោចណាស់មនុស្សចំនួន១១នាក់បានស្លាប់បាត់បង់ជីវិតនិងមនុស្ស១៨នាក់ផ្សេងទៀតរងរបួស បន្ទាប់ពីខ្មាន់កាំភ្លើងមួយក្រុមបានបើកការវាយប្រហារនៅក្នុងព្រះវិហារមួយកន្លែងក្នុងភាគអាគ្នេយ៍នៃប្រទេសនីហ្សេរីយ៉ាកាលពីថ្ងៃអាទិត្យ ដែលត្រូវបានគេអះអាងថា កើតឡើងដោយសារជម្លោះរវាងសមាជិកសហគមន៍ក្នុងតំបន់។
ប៉ូលិសបន្តថា ក្រុមខ្មាន់កាំភ្លើងនោះបានបើកការវាយប្រហារទៅលើព្រះវិហារដែលស្ថិតនៅក្នុងទីក្រុង Ozubulu កាលពីព្រឹកព្រលឹមថ្ងៃអាទិត្យ ហើយពួកគេត្រូវបានគេជឿថា បានព្យាយាមតាមសម្លាប់បុរសម្នាក់ដែលក្រុមអាជ្ញាធរមិនទាន់បានកំណត់អត្តសញ្ញាណនៅឡើយទេ។
គួរបញ្ជាក់ថា គ្រិស្តសាសនាគឺមានឥទ្ធិពលជាងគេនៅក្នុងភាគអាគ្នេយ៍នៃប្រទេសនីហ្សេរីយ៉ា ហើយការវាយប្រហារនេះគឺជាអំពើហិង្សាដ៏កម្រមួយនៅឯព្រះវិហារ៕
