ភ្នំពេញ ៖ ជនជាតិចិនប្រុសស្រីចំនួន២៣១នាក់ ដែលសំងំលាក់ខ្លួន ធ្វើសកម្មភាពចាប់ជំរិតទាប្រាក់ តាមប្រព័ន្ធអ៊ិនធ្វើណេត្រ ទៅក្រៅប្រទេស ត្រូវបានឃាត់ខ្លួននៅក្នុងខុនដូ មួយកន្លែង នៅខណ្ឌទួលគោក។
ប្រតិបត្តិការបង្ក្រាប ក្រុមចាប់ជំរិត ឆ្លងដែននេះ កាលពីវេលាម៉ោង៣រសៀលថ្ងៃទី១៦ ខែសីហា ដឹកនាំ ដោយលោកឧត្តមសេនីយ៍ឯក អ៊ី សុខឃី ប្រធាននាយដ្ឋានប្រឆាំងភេវរកម្ម និងឧក្រិដ្ឋកម្មឆ្លងដែននៃក្រសួងមហាផ្ទៃនិងមានការសម្របសម្រួល ពីលោកសៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ។
តាមនគរបាល បានអោយដឹងថា ទីតាំងខុនដូដែលសមត្ថកិច្ចចុះឆែកឆេរ នោះស្ថិតនៅអាគារលេខ ៤ ផ្លូវ លេខ ៥៦៦ និងខាងក្រោយ ផ្លូវលេខ៥៧៨ សង្កាត់បឹងកក់២ ខណ្ឌទួលគោក ដែលមានកម្ពស់១១ជាន់។
តាមព័ត៌មានអោយដឹងទៀតថា ដោយមានការការផ្តល់ព័ត៌មាន ពីភ្នាក់ងារ សំងាត់ ពីជនសង្ស័យ ជនជាតិចិន មួយក្រុម ដែលសំងំលាក់ខ្លួន ដោយប្រើម៉ាស៊ីន ឧបករណ៍ បំលែង ពីINTER NETជាមធ្យោបាយ សម្រាប់គំរាមជំរិតទារប្រាក់ទៅក្រៅប្រទេសសមត្ថកិច្ចក៍បានរាយការណ៍ទៅព្រះរាជអាជ្ញាចុះមកឆែកឆេរតែម្តង ។
តាមនគរបាល អោយដឹងថា នៅក្នុងការចុះឆែកឆេរ សមត្ថកិច្ច បានឃាត់ខ្លួន ជនជាតិចិន ចំនួន២៣១នាក់ ដែលម្នាក់បានលោតពីលើជាន់ទី១ បាក់ជើង ក្នុងនោះមានស្រីចំនួន ២៨នាក់ ព្រមទាំងដកហូត ឧបករណ៍ អេឡិចត្រនិចមួយចំនួន ដែលជាមធ្យោបាយ សម្រាប់ធ្វើសកម្មភាពចាប់ជំរិត ជនជាតិចិនគ្នា ឯង នៅក្រៅប្រទេស ។
តាមព័ត៌មានអោយដឹងថា ជនជាតិចិន រូបនោះបានជួល ខុនដូនោះ ផ្តាច់ មុខ ប្រមាណជាង១ខែមកហើយ ដើម្បីធ្វើសកម្មភាពចាប់ជំរិត ៕
