ភ្នំពេញ ៖ ទីតាំងទូហ្គេមបាញ់ត្រី២កន្លែងនៅតាមផ្លូវ២៧១ខាងលិចស្ថានីយបូមទឹកទី២ បើកយ៉ាងរលូនមិនរំខានដល់សមត្ថិកច្ចប្រជាពលរដ្ឋដែលរស់នៅតាមបណ្តោយផ្លូវ២៧១ ខាងលិចស្ថាននីយបូមទឹកទី២ ភូមិតាគង់ ក្នុងសង្កាត់ចាក់អង្រែលើបាន លួចបង្ហើបថា ពួកគាត់រាលថ្ងៃមានការរំខានក្នុងការរស់នៅដោយសារតែក្រុមអ្នករកស៊ីដាក់ល្បែងទូហ្គេមបាញ់ត្រីទាំងយប់ទាំងថ្ងៃ ឮសូរសម្លេងក្តុងក្តាំងធ្វើអោយពួកគាត់ដេកពួនពុំបានដោយសារតែមានក្រុមក្មេងៗបងតូចបងធំប្រមូលផ្តុំគ្នាមកលេងល្បែងបាញ់ត្រីហើយស្រែកឡូឡាដោយគ្មានសមត្ថកិច្ចណាចុះទៅបង្ក្រាប។
លោក ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ បានបញ្ជាអោយលោកអភិបាលខណ្ឌទាំង១២បង្ក្រាបអោយនូវល្បែងស៊ីសងគ្រប់ប្រភេទនៅក្នុងមូលដ្ឋាន ជាពិសេសល្បែងហ្គេមបាញ់ត្រីតែម្ដង ។ តែបែរជាទូហ្គេមបាញ់ត្រីកន្លែងខាងលើបានបើកយ៉ាងរលូនដោយគ្មានអាជ្ញាធរណាអើពើសោះ ឬក៏អាជ្ញាធរបានលាបសក្ការៈពីម្ចាស់ទូហ្គេមទាំងកន្លែងនេះហើយ៕
