ខេត្តកំពត ៖ សមត្ថកិច្ចចាប់វ៉ៃខ្នោះឪពុកល្មោភកាមម្នាក់បន្ទាប់ពីចាប់រំលោភកូនស្រីបង្កើតខ្លួនឯង រហូតបានសម្រេច ដែលការឃាត់ខ្លួនធ្វើឡើងកាលពីម៉ោង៤រសៀលថ្ងៃទី១៤ ខែកញ្ញា ឆ្នាំ២០១៧ នៅចំណុចផ្ទះជនល្មើស ស្ថិតក្នុងស្រុកជុំគិរី ខេត្តកំពត។
សមត្ថកិច្ចនគរបាលបានឲ្យដឹងថា នៅវេលាថ្ងៃត្រង់ ថ្ងៃទី១៤ ខែកញ្ញា ២០១៧ អធិការនគរបាលស្រុកជុំគីរី បានទទួលបណ្តឹង ពីស្ត្រីអាយុ៣៣ឆ្នាំ រស់នៅភូមិ ឃុំ កើតហេតុខាងលើ ថា ប្តីរបស់ខ្លួនអាយុ៣៨ឆ្នាំ រស់នៅជាមួយគ្នា ចាប់កូនស្រីបង្កើតខ្លួនឯង រំលោភ រហូតបានសំរេចចំនួន១ដង ដែលកើតឡើង នៅវេលាម៉ោង៥ជិតភ្លឺ ថ្ងៃទី១៤ ខែកញ្ញា ឆ្នាំ២០១៧ នៅលើផ្ទះភូមិ ឃុំខាងលើ ពេលដែលគាត់មិននៅផ្ទះ។
លោកអធិការនគរបាលស្រុកជុំគីរី បានឲ្យដឹងថា បន្ទាប់ពីទទួលបានព័ត៌មាននោះលោកដឹកនាំមន្ត្រីនគរបាលជំនាញ ចុះដល់កន្លែងកើកហេតុ ហើយហៅក្មេងស្រីរងគ្រោះ អាយុ១១ឆ្នាំ មកសាកសួរ បានបញ្ជាក់ថា ឪពុកខ្លួន ពិតជាបានចាប់រំលោភមែន។ តាមរយៈនេះ លោកអធិការ នគរបាលស្រុកជុំគីរី ក៏បានឃាត់ខ្លួនជនសង្ស័យតែម្តង ។ ចំពោះមុខសមត្ថកិច្ចជនល្មើសបានសារភាពថា ខ្លួនគេ ពិតជាបាន រំលោភកូនរបស់ខ្លួនពិតមែន ៕
