ល្បែង​ឆ្នោត​ធំៗ​ខាងក្រោយ​វត្ត​ស្ទឹងមានជ័យ​សមត្ថកិច្ច​មូល​ដ្ឋា​ន​មិន​ហ៊ាន​ប៉ះ​ស្នើ​ទៅ​លោក​អភិបាលក្រុង​ជួយ​ពិនិត្យមើល​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 22 September, 2017 ក+ ក-

​ភ្នំពេញ ៖ ល្បែង​កន្ទុយលេខ (​ឆ្នោត​វៀតណាម​) នៅតែមាន​ការកើតឡើង​យ៉ាង​ពេញបន្ទុក​ព្រោះ​សមត្ថកិច្ច​ហាក់ដូចជា​មិន​យកចិត្តទុកដាក់​។ ប្រជាពលរដ្ឋ​ដែល​រស់​នៅតាម​ក្នុង​សង្កាត់​ស្ទឹងមានជ័យ ខណ្ឌមានជ័យ​បាន​រិះគន់​ចំៗ​ថា លោក ពេជ្រ កែវ​មុនី អភិបាលខណ្ឌ​មានជ័យ និង​លោក តេង ស៊ី​ណូ អធិការនគរបាល​ខ​ណ្ឌ​មានជ័យ មិន​យកចិត្តទុកដាក់​បង្ក្រាប​ល្បែងស៊ីសង​ដើម្បី​ពង្រឹង​សន្តិសុខ​សង្គម​នោះទេ​។ ជាហេតុ​នេះ​ទើប​សូមរ​អំពាវនាវ​ឲ្យ​លោក ឃួ​ង ស្រេង អភិបាល​រាជធានី​ភ្នំពេញ និង​លោក ជួន សុវណ្ណ ស្នងការ​នគរបាល​រាជធានី​ភ្នំពេញ ចាត់វិធានការ​បង្ក្រាប​ល្បែង​កន្ទុយលេខ​នៅ​តំបន់​ផ្សារ​ស្ទឹងមានជ័យ ជាបន្ទាន់​ដើម្បី​ពង្រឹង​សន្តិសុខ​សង្គម​។​
​ថ្មីៗ​កន្លងទៅនេះ​សមត្ថកិច្ច​នគរបាល​ប៉ុស្ដិ៍​រដ្ឋបាល​សង្កាត់​ស្ទឹងមានជ័យ មិនសូវ​បាន​យកចិត្តទុកដាក់​បង្ក្រាប​ល្បែងស៊ីសង​នៅក្នុង​មូលដ្ឋាន​ទេ បង្ក្រាប​តែ​បទល្មើស​តូចតាច​រួច​ហៅ​អ្នកការ​សែត​ទៅ​ថត​ដើម្បី​បង្ហាញ​ស្នាដៃ​របស់ខ្លួន​។ ចំណែក​ល្បែង​ឆ្នោត​ធំៗ​ជាច្រើន​កន្លែង​នៅក្បែរ​វត្ត​ស្ទឹងមានជ័យ បែរជា​សមត្ថកិច្ច​ធ្វើជា​មើលរំលង​មិន​ហ៊ាន​ប៉ះពាល់​ឡើយ​។ ហេតុនេះ​លោក ពេជ្រ កែវ​មុនី អភិបាលខណ្ឌ​មានជ័យ និង​លោក តេង ស៊ី​ណូ អធិការនគរបាល​ខ​ណ្ឌ​មានជ័យ គួរពិនិត្យមើល​ទង្វើ​មិន​ប្រក្រតី​របស់លោក ម៉ៅ សាវឿន នាយ​ប៉ុស្ដិ៍នគរបាលរ​ដ្ឋ​បាល​សង្កាត់​ស្ទឹងមានជ័យ​ផង​។​
​ដូចនេះហើយ​ដើម្បី​កុំអោយ​កើន​មាន​អំពើចោរកម្ម​លួច​ឆក់​ប្លន់​និង​បទល្មើស​ផ្សេងៗ សូម​ស្មើ​រលោក ឃួ​ង ស្រេង អភិបាល​រាជធានី​ភ្នំពេញ និង​លោក ជួន សុវណ្ណ ស្នងការ​នគរបាល​រាជធានី​ភ្នំពេញ បង្ក្រាប​ល្បែងស៊ីសង​ក្នុង​សង្កាត់​ស្ទឹងមានជ័យ ខណ្ឌមានជ័យ ប្រកបដោយ​ប្រសិទ្ធភាព​ផង​៕