តាម​ទាន់​ប្រពន្ធ​នាំសា​ហាយ​ឡើង ឋានសួគ៌​ក្នុងផ្ទះ​សំណាក់​ទាំង​ព្រឹក​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 9 March, 2015 ក+ ក-

​សៀមរាប​៖ ស្ត្រី​ម្នាក់ មាន​វិបត្តិ​ផ្លូវ​ចិត្ត បាន​លួច​រត់​ចេញពីផ្ទះ​ចោល​កូនស្រី និង​ប្តី​ដើរ​ផឹកស៊ី​ជាមួយ​មិត្តភក្តិ​នៅ​ខេត្តសៀមរាប ហើយក៏​ជ្រុលជ្រួស​ភ្លេច​គិតថា​ខ្លួន​មាន​ប្តី បាន​ណាត់​ប្រុស​ស្មេ​ហ៍​ឡើងឋានសួគ៌​យ៉ាង​ត្រេកត្រអាល​ក្នុងផ្ទះ​សំណាក់ ត្រូវបាន​ប្តី​តាម​ទាន់​ទាំង​ព្រឹក ហើយ​ប្តឹង​សមត្ថកិច្ច​មូលដ្ឋាន​ឲ្យ​ឃាត់ខ្លួន​បាន​ទាំង​២​នាក់​។​ប៉ុន្តែ​បុរស​ជា​ប្រុស​ស្នេហ៍​រូបនោះ បាន​គេចខ្លួនបាត់​ដោយ​សុវត្ថិភាព ខណៈ​សុំ​នគរបាល​ថា​ទៅរក​ទិញ​ទឹកបរិសុទ្ធ​ផឹក​។​

ហេតុការណ៍​នេះ​បង្ក​ឲ្យ​មានការ​ភ្ញាក់ផ្អើល​កាលពី​ម៉ោង​៨​ព្រឹក ថ្ងៃទី​០៨ មីនា ២០១៥ ស្ថិតនៅ​ក្រុមទី​២ ភូមិ​វត្ត​បូព៌ សង្កាត់​សាលា​កំរើក ក្រុង​សៀមរាប​។​
​នគរបាល​ក្រុង​សៀមរាប បាន​ប្រាប់​ឲ្យ​ដឹងថា ដោយ​ទទួលបាន​ពាក្យបណ្តឹង​របស់​ជា​ប្តី សមត្ថកិច្ច​ក៍បាន​ចុះទៅ​ដល់ផ្ទះ​សំណាក់​យីហោ (​ព្រហ្មរ​ត្ម័​អ៊ី​ន​) រួច​ចូលទៅក្នុង​បន្ទប់​លេខ​១០១ ក៏​ឃើញ​ជនសង្ស័យ​ទាំង​២​នាក់​កំពុង​ដេក​នៅផ្ទះ​សំណាក់​នេះ​ពិតប្រាកដ​មែន​។​

នគរបាល​ក្រុង​សៀមរាប បន្តថា បន្ទាប់ពី​ឃើញ​ភស្តុតាង​ជាក់ស្តែង​យ៉ាង​ដូច្នេះ សមត្ថកិច្ច​ក៏បាន​នាំខ្លួន​ជន​ប្រុស​ស្រី​ទាំង​២​នាក់​មកកាន់ ប៉ុស្តិ៍​រដ្ឋបាល​សង្កាត់​សាលា​កំរើក​ដើម្បី​ធ្វើការ​សួរនាំ​។​

នគរបាល​ក្រុង​សៀមរាប បាន​ឲ្យ​ដឹង​ទើត​ថា បុរស​ជា​ប្រុស​ស្នេហ៍​មានឈ្មោះ តូន សុគ​រី ភេទ​ប្រុស អាយុ​២៦​ឆ្នាំ មុខរបរ​មិន​ពិតប្រាកដ មាន​ស្រុកកំណើត​នៅ​ខេត្តបាត់ដំបង បច្ចុប្បន្ន ស្នាក់នៅ​ភូមិ​ខ្លាខាំ​ឆ្កែ ឃុំ​តា​ឡុំ ស្រុក​មង្គលបុរី ខេត្ត​ឧ​ត្ត​រ​មានជ័យ និង​ស្ត្រី​ដែល​ត្រូវ​ប្តី​ប្តឹង​សមត្ថកិច្ច​ឲ្យ​ឃាត់ខ្លួន​ឈ្មោះ ព​.​ស​.​ហ អាយុ​៣០​ឆ្នាំ ជា​បុគ្គលិក​ធនាគារ​មួយ​នៅ​ខេត្ត​ឧ​ត្ត​រ​មានជ័យ រស់នៅ សង្កាត់​-​ក្រុង​សំរោង ខេត្ត ឧ​ត្ត​រ​មានជ័យ ។​

​ចំណែក​បុរស​ជា​ប្តី​ឈ្មោះ ជិន សុ​គុណ ភេទ​ប្រុស អាយុ​២៦​ឆ្នាំ មុខរបរ​ជា​នគរបាល​ក្រុង​សំរោង រស់នៅ​ជាមួយ​ប្រពន្ធ មានកូន​ស្រី​ម្នាក់​អាយុ​២​ឆ្នាំ​។ បន្ទាប់ពី​សមត្ថកិច្ច​សួរនាំ​រួច​ភាគី​ទាំងសងខាង​បាន​សម្របសម្រួល​ត្រូវរ៉ូវ​គ្នា​វិញ​៕
6666497

 

5795035