កោះ Alaska របស់​អាមេរិក​រង​ការវាយប្រហារ​គ្រោះ​រញ្ជួយ​ដី​កម្រិត ៦.៦​រ៉ិ​ច​ទ័​រ
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 9 October, 2017 ក+ ក-

​វ៉ាស៊ីនតោន ៖ សារព័ត៌មាន Channel News Asia ចេញផ្សាយ​នៅ​ព្រឹក​ថ្ងៃ​ចន្ទ​នេះ​បាន​ឲ្យ​ដឹងថា គ្រោះ​រញ្ជួយ​ដី​កំរិត ៦.៦​រ៉ិ​ច​ទ័​រ បាន​វាយប្រហារ​មកលើ​តំបន់ឆ្នេរ​ភាគ​ខាងលិច​នៃ​រដ្ឋ អា​ឡា​ស្កា (Alaska) ដែល​ស្ថិតនៅ​ភាគ​ពាយ័ព្យ​សហរដ្ឋអាមេរិក​។​
​វិទ្យាស្ថាន​ស្ទាបស្ទង់​ភូមិសាស្ត្រ​អាមេរិក (USGS) រញ្ជួយ​ដី​មាន​ជំរៅ​ញ័រ​រញ្ជួយ​១១១.៨​គីឡូម៉ែត្រ ពី​ក្នុង​ស្រទាប់ដី និង​មាន​ចំងាយ ៦០​គីឡូម៉ែត្រ ពី​កោះ​បាល់​ដឺ (Buldir) នៃ​ទីប្រជុំ​កោះ អា​លឿ​ធាន (Aleutian) ដែលមាន​ប្រជាជន ៨,០០០​នាក់ កំពុង​រស់នៅ​។ ប៉ុន្តែ​ភ្លាមៗ​បែបនេះ មិនទាន់មាន​សេចក្ដីរាយការណ៍​ពី​ការខូចខាត ឬ​ជនរងគ្រោះ និង​មិនមាន​សេចក្ដី​ព្រមាន​ណាមួយ​ថា អាច​កើតមាន​រលក​យក្ស​ស៊ូណាមិ​ឡើយ​៕