ចាប់ខ្លួនសកម្មជនបក្សសង្គ្រោះជាតិម្នាក់ទៀត ពីបទបង្ហោះវីដេអូញុះញង់
ខេត្តប៉ៃលិន ៖ សមត្ថកិច្ចខេត្តប៉ៃលិនបានឃាត់ខ្លួន សកម្មជនគណបក្សសង្គ្រោះជាតិម្នាក់ នៅឃុំស្ទឹងកាច់ ស្រុកសាលាក្រៅ កាលពីរសៀលម្សិលមិញ បន្ទាប់ពីសកម្មជនរូបនោះ បង្ហោះវីដេអូមួយ ដោយជាប់សង្ស័យថាជាការប្រមាថ និងញុះញង់ឱ្យមានការរើសអើង។
ជនសង្ស័យម្នាក់នោះ មានឈ្មោះ ឈុន សិទ្ធី ភេទប្រុស អាយុ៣៨ឆ្នាំ រស់នៅឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ ការឃាត់ខ្លួននេះ ដោយសារតែជាប់ព័ន្ធនឹងនឹងករណីសង្ស័យ២ករណី រួមានធ្វើឱ្យប៉ះពាល់ដល់សិទ្ធិខាងរូបភាពនៃបុគ្គល និងបទស្តាប់ រឺថតពាក្យសម្តីឯកជន នៅចំណុចសាលាឃុំស្ទឹងកាច់ ស្រុកសាលាក្រៅ ខេត្តប៉ៃលិន កាលពីថ្ងៃទី២១ ខែសីហា ឆ្នាំ២០១៧ និងញុះញង់ឱ្យមានការរើសអើងក្នុងសង្គម ៕
