ប្លន់ប្រដាប់អាវុធកណ្តាលក្រុងបាត់ដំបង
បាត់ដំបង: រកណីប្លន់ប្រដាប់អាវុធ កណ្តាលក្រុងបាត់ដំបង
នៅវេលាម៉ោងប្រមាណ ១៦:២៥ នាទី ថ្ងៃទី២៧.១២.១៧ នៅចំណុចផ្ទះប្តូរប្រាក់មួយកន្លែង ខាងត្បូងផ្សារណាត់ ស្ថិតក្នុងក្រុមទី៤២ ភូមិព្រែកមហាទេព សង្កាត់ស្វាយប៉ោ ក្រុងខេត្តបាត់ដំបង ខេត្តបាត់ដំបង មានករណី ប្លន់ មួយកើតឡើងបង្កដោយជនសង្ស័យមិនស្គាល់សាវតា ភេទប្រុស អាយុប្រហែល ២៧ ឆ្នាំ មានភិនភាគពាក់អាវខ្មៅ ខោខៅប៊ូយពណ៌ខៀវ ពាក់មួកសុវត្ថិភាពខ្មៅ ជិះម៉ូតូ ០១ គ្រឿង ម៉ាក Zoomer ពណ៌ខ្មៅ-ក្រហម បានធ្វើសកម្មភាពយកកាំភ្លើងខ្លីម៉ាក K59 ភ្ជង់ទៅលើជនរងគ្រោះឈ្មោះ គង់ សុខថា ភេទស្រី អាយុ ៣៧ ឆ្នាំ មុខរបរ លក់ដូរ រស់នៅចំណុចកើតហេតុខាងលើ តែមិនបានសម្រេច ត្រូវបានម្ចាស់ផ្ទះរើបម្រាស់ទាន់ រួចក៏ជិះម៉ូតូគេចខ្លួនបាត់ ដោយសុវត្ថិភាព ៕ សុផល
