មេ​PMផ្ទៃ​ប្រទេសបញ្ជា​ឲ្យ​ស្រាវជ្រាវ​ករណី​ប្រើ​ហិង្សានិង​បាញ់រះ​លើ​រថយន្ដ​ដឹកស្រូវ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 23 March, 2015 ក+ ក-

​ភ្នំពេញ​៖ នៅ​ថ្ងៃទី ២៣ ខែមីនា ឆ្នាំ ២០១៥​នេះ លោកនាយ​ឧត្ដមសេនីយ៍ សៅ សុខា មេបញ្ជាការ​អាវុធហត្ថ​លើ​ផ្ទៃ​ប្រទេស បាន​បង្កើត​គណៈកម្មកា​រ​ចំពោះ​កិច្ច​ស្រាវជ្រាវ​ករណី បាញ់ប្រហារ រថយន្ដ ដឹកស្រូវ និង​បាន​ចាប់​អ្នកបើករថយន្ត​ធ្វើ​ទារុណកម្ម​យ៉ាង​សាហាវព្រៃផ្សៃ និង​បាន​យក​ជើង​ជាន់​ក្បាល​សង្កត់​លើដី ដែល​បាន​កើតឡើង​កាលពី​យប់​ថ្ងៃទី​១៩ ខែមីនា ឆ្នាំ​២០១៥ នៅក្នុង​ទឹកដី​ខេត្ដ​ត្បូង និង​ខេត្ដ​ព្រៃវែង​។​

យោងតាម​សេចក្ដីសម្រេច​ស្ដីពី​ការបង្កើត គណៈកម្មការ​ចំពោះ​កិច្ច ដែល​ចុះហត្ថលេខា និង​ត្រា​ពី​សំ ណាក់ លោក​សៅ សុខា នា​ថ្ងៃទី​២៣ ខែមីនា ឆ្នាំ​២០១៥ បានតែងតាំង​លោក ស៊ិន សុ​ផាន្នី មេ បញ្ជាការ រង​អាវុធហត្ថ​លើ​ផ្ទៃ​ប្រទេស និង​ជា​ស្នងការ ស្នងការដ្ឋាន​យុត្ដិធម៌ ជា​ប្រធាន លោក គង់ សុត្ថា​រិ​ន ហៅ P3 នាយការិយាល័យ​បទ ល្មើស​ព្រហ្មទណ្ឌ ជា អនុប្រធាន ព្រមទាំង​មន្ដ្រី​អាវុធហត្ថ ៧​នាក់ ផ្សេងទៀត ជា សមាជិក​។​

​គណៈកម្មការ​ចំពោះ​កិច្ច​នេះ មាន​ភារកិច្ច ធ្វើ​អធិការកិច្ច​នូវ​បាតុភាព​ដែល​បាន​កើតឡើង ក្នុងពេល បំពេញ ភារកិច្ច របស់ នាយទាហាន នាយទាហានរង​នៃ​កងរាជអាវុធហត្ថ​ខេត្ដ​ត្បូង ឃ្មុំ​និង​ខេត្ដ​ព្រៃវែង កាលពី​ថ្ងៃទី​១៩ ខែមីនា ឆ្នាំ​២០១៥ កន្លងទៅនេះ ត្រួតពិនិត្យ​កំហុស ឆ្គង​របស់​នាយទាហាន នាយ ទាហាន​រង​នៃ កង​រាជ អាវុធហត្ថ ខេត្ដ​ត្បូងឃ្មុំ និង​ខេត្ដ​ព្រៃ វែង ក្នុងការ​ប្រតិ​ប​ត្ដិ​តួនាទី​ភារកិច្ច​កង​រាជ អាវុធហត្ថ ការ​អនុវត្ដ​ច្បាប់​ល​ក្ខ័​ន្ដិ​កៈ​ទូទៅ នៃ​កងយោធពល​ខេមរភូមិន្ទ និង​បទ​វិន័យ ទូទៅ សម្រាប់ កងយោធពល​ខេមរភូមិន្ទ​។​

គណៈកម្មការ​ចំពោះ​កិច្ច​នេះ ក៏មាន​សិទ្ធិ ជួបពិភាក្សា​ជាមួយ​អាជ្ញាធរ ស្ថាប័ន​និង​អង្គ ភាព​ពាក់ព័ន្ធ ផ្សេងៗ នៅក្នុង ខេត្ដ​ទាំងពីរ ខាង លើ ចេញ​លិខិត​កោះហៅ​អ្នក​ដែលមាន​ការ ពាក់ព័ន្ធ ចំពោះ​បាតុភាព ទាំងនោះ មក​ធ្វើការ ស្ដាប់ ចំលើយ បំភ្លឺ ដើម្បី​ស្រាវជ្រាវ​រកឱ្យឃើញ ការពិត​ជាក់ស្ដែង និង​បូកសរុប លទ្ធផល​ការងារ ធ្វើ​របាយការណ៍ រាយការណ៍​ជូន​នាយ​ឧត្ដម​អគ្គ​មេបញ្ជាការរង នៃ​កងយោធពល​ខេ​មរ ភូមិន្ទ និង​ជា​មេបញ្ជាការ​អាវុធហត្ថ​លើ​ផ្ទៃ ប្រទេស ។​

​សូមបញ្ជាក់ថា ករណី​កម្លាំង​អាវុធហត្ថ ខេត្ដ​ត្បូងឃ្មុំ និង​អាវុធហត្ថ​ខេត្ដ​ព្រៃវែង ដោយមាន​ការចូលរួម​ពី សមត្ថកិច្ច និង​មន្ដ្រី ពាក់ព័ន្ធ​មួយចំនួនទៀត បាន​ដេញ​បង្ក្រាប​និង បាញ់ប្រហារ​ជាង​១០​គ្រាប់ ទៅលើ រថយន្ដ​ដឹកស្រូវ​មួយគ្រឿង​នៅ​ចំណុច​ក្បែរ​រង្វង់​មូល​ស្វាយ អ​ន្ទ​រ ខេត្ដ​ព្រៃវែង ស្ថិតនៅ​ភូមិ​ធ្នង់ ឃុំ​ជា ខ្លាង ស្រុក​ស្វាយ​អ​ន្ទ​រ កាលពី​វេលា ម៉ោង​១១ និង​១៥​នាទី​យប់​ថ្ងៃទី​១៩ ខែមីនា ឆ្នាំ​២០១៥ ព្រមទាំង​ចាប់ អ្នកបើករថយន្ដ និង​បាន​ចាប់​អ្នកបើករថយន្ត​ធ្វើ​ទារុណកម្ម យ៉ាង​សាហាវព្រៃផ្សៃ និង​បាន​យក​ជើង​ជាន់​ក្បាល​សង្កត់​លើដី បណ្ដាលឱ្យ​រងរបួស​យ៉ាងធ្ងន់ធ្ងរ​ទៀតផង​៕14015_798_n

01137

101533_771576_n
01189