ភ្នំពេញ៖ នារីវ័យ១៨ឆ្នាំម្នាក់ជាបុគ្គលិកមន្ទីរពហុព្យាបាលសំពៅមាសបានចងកធ្វើអត្តឃាតសម្លាប់ខ្លួននៅលើអាគារគ្លីនិកជាន់ទី៤ បង្កឲ្យមានការភ្ញាក់ផ្អើលកាលពីវេលាម៉ោង៦ព្រឹកថ្ងៃទី១២ ខែកញ្ញា ឆ្នាំ២០១៤ ស្ថិតនៅអគាររបស់គ្លីនិកសម្ភពព្យាបាលសំពៅមាសលេខ៤៩ ផ្លូវលេខ១៦១ ក្នុងសង្កាត់បឹងព្រលឹត ខណ្ឌ៧មករា។
ប្រភពព័ត៌មានបានប្រាប់ឲ្យដឹងថា នារីដែលចងកធ្វើអត្តឃាតឈ្មោះ ខុម រ៉ា អាយុ១៨ឆ្នាំ ជាបុគ្គលិកគ្លីនិកខាងលើ មានតួនាទីជាអ្នកអនាម័យ ស្នាក់នៅក្នុងអគារគ្លីនិកសម្ភពព្យាបាលសំពៅមាសខាងលើ មានស្រុកកំណើតខេត្តកណ្តាល។
បើតាមសាច់ញាតិនិងបុគ្គលិកបម្រើការងារនៅក្នុងគ្លីនិកបានឲ្យដឹងថា នារីរងគ្រោះកាលពី២-៣ថ្ងៃមុនមានទឹកមុខស្រពោនដោយមិនដឹងហេតុអ្វីនោះទេ ពេលសួរនាងឆ្លើយថាពិបាកចិត្ត និងមិនសូវនិយាយលេងជាមួយបុគ្គលិកដូចគ្នាទេ។ លុះរហូតដល់ព្រឹកថ្ងៃកើតហេតុស្រាប់តែឃើញនាងចងកសម្លាប់ខ្លួននៅលើអគារជាន់ទី៤ ដោយប្រើខ្សែហាលខោអាវចងភ្ជាប់ទៅនឹងជញ្ជាំងស័ង្កសី។ ភ្លាមៗនោះធ្វើឲ្យមានការភ្ញាក់ផ្អើលដល់បុគ្គលិកក្នុងគ្លីនិក និងអ្នកជិតខាងតែម្តង។
ក្រោយកើតហេតុសាកសពត្រូវបានតំណាងគ្លីនិកប្រគល់ឲ្យសាច់ញាតិជនរងគ្រោះយកទៅធ្វើបុណ្យតាមប្រពៃណីនៅស្រុកកំណើត ៕
សាកសពនារី ខុម រ៉ា
