កិច្ចប្រជុំ​ប្រចាំឆ្នាំ​រវាង​ធនាគារជាតិ​នៃ​កម្ពុជា និង​ធនាគារកណ្តាល​ឡាវ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 13 January, 2018

ភ្នំពេញ ៖ ធនាគារជាតិ​នៃ​កម្ពុជា បានទទួល​ធ្វើជា​ម្ចាស់ផ្ទះ​រៀបចំ​កិច្ចប្រជុំ​ប្រចាំឆ្នាំ​រវាង​ធនាគារ ជាតិ​នៃ កម្ពុជា និង​ធនាគារកណ្តាល​ឡាវ ដែល​កិច្ចប្រជុំ​នេះ​បាន​ប្រព្រឹត្តទៅ​រាជធានី​ភ្នំពេញ កាលពី​រសៀល ថ្ងៃទី​១២ ខែមករា ឆ្នាំ​២០១៨ ដោយ​ខាង​កម្ពុជា​ដឹកនាំ​ដោយ​ឯកឧត្តម ជា ចាន់តូ ទេសាភិបាល ធនាគារជាតិ​នៃ​កម្ពុជា រីឯ​ខាង​ភាគី​ឡាវ​ដឹកនាំ​ដោយ​ឯកឧត្តម​បណ្ឌិត ស៊ុម​ផាវ ហ្វៃ​ស៊ីត ទេ​សា​ភិ បាល ធនាគារកណ្តាល​ឡាវ​។​
ក្នុង​កិច្ចប្រជុំ​នេះ​ភាគី​ទាំងពីរ​បាន​វាយតម្លៃ​ខ្ពស់​ចំពោះ​កិច្ចសហប្រតិបត្តិការ និង​ការ​រឹត ចំណង មិត្តភាព​ទ្វេភាគី​របស់​ធនាគារកណ្តាល​នៃ​ប្រទេស​ទាំងពីរ​កម្ពុជា​ឡាវ ហើយ​បើតាម​ការបញ្ជាក់ របស់ ឯកឧត្តម ជា ចាន់តូ ទេសាភិបាល​ធនាគារជាតិ​នៃ​កម្ពុជា​ថា តាមរយៈ​ការគាំទ្រ និង​ស្មារតី​ពង្រឹង កិច្ច សហប្រតិបត្តិការ​រប​ស់​ទេសាភិបាល​ធនាគារកណ្តាល​ឡាវ​យើង​ទាំងពីរ បាន​ពង្រឹង​ទំនាក់ទំនង ជា មិត្តភាព​ផង និង​ផ្នែក​បច្ចេកទេស​ផង ដោយ​ឯកឧត្តម​បាន​កត់ សំគាល់​ឃើញថា កិច្ច​សហប្រតិបត្តិ ការ នេះ មានការ​រីកចំរើន​ល្អប្រសើរ​ពីមួយ​ឆ្នាំទៅ​មួយឆ្នាំ​។​
​ដោយឡែក​ឯកឧត្តម​បណ្ឌិត ស៊ុម​ផាវ ហ្វៃ​សុ​ី​ត ទេសាភិបាល​ធនាគារកណ្តាល​ឡាវ​ក៏ បាន សម្តែង​នូវ​ការពេញចិត្ត​ចំពោះ​កិច្ចសហប្រតិបត្តិការ​រ​វាង​ធនាគារជាតិ​នៃ​កម្ពុជា និង​ធនាគារ កណ្តាល​ឡាវ​ដែល​កាន់តែ​ធំធាត់​ពីមួយ​ឆ្នាំទៅ​មួយឆ្នាំ ព្រមទាំង​បានលើកឡើង​ជូន​អង្គប្រជុំ ផងដែរ អំពី​ស្ថានភាព​នៃ​ការអភិវឌ្ឍន៍​សេដ្ឋកិច្ច និង​ការអនុវត្ត​គោលនយោបាយ​រូបិយវត្ថុ​របស់ ឡា​វនា​ឆ្នាំ ២០១៧​កន្លងទៅ​ថា​បាន​ប្រព្រឹត្ត​ទៅក្នុង​ដំណើរ​ផ្លូវ​យ៉ាង​ល្អប្រសើរ ដោយ​សេដ្ឋកិច្ច របស់​ឡាវ មាន កំណើន​ជា​មធ្យម​ប្រចាំឆ្នាំ ៧% ធ្វើអោយ​ឡាវ​ក្លាយជា​ប្រទេស​ដែលមាន កំណើនសេដ្ឋកិច្ច ខ្ពស់​ជាងគេ​បង្អស់​ធៀប​នឹង​បណ្តា​ប្រទេស​ក្នុង​តំបន់ និង​ពិភពលោក​។​
​ជាមួយគ្នា​នោះដែរ​ចំណូល​ក្នុងស្រុក​សរុប​ក៏មាន​ការកើនឡើង​យ៉ាង​ឆាប់រហ័ស​។​ចំពោះ​គោលនយោបាយ​រូបិយវត្ថុ និង​គោលនយោបាយ​នៃ​ការ​ប្តូរប្រាក់​វិញ ឯកឧត្តម​បណ្ឌិត ស៊ុម​ផាវ ហ្វៃ ស៊ីត មានប្រសាសន៍ថា ធនាគារជាតិ​ឡាវ​បាន​បន្ត​អនុវត្ត​គោលនយោបាយ​រូបិយវត្ថុ​បែប​ធូររលុង​ដើម្បី ជម្រុញ​កំណើនសេដ្ឋកិច្ច និង​រក្សា​ស្ថិរភាព​រូបិយប័ណ្ណ​ជាតិ​អោយមាន​លំនឹង​៕​