ចាប់ស្ត្រីឈ្មួញឈើម្នាក់ និងអ្នកជួយ ស្តុកលាក់ឈើម្នាក់បញ្ជូនទៅតុលាការ
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 13 January, 2018

ស្ទឹងត្រែង ៖ ស្រ្តីជាជនជាតិវៀតណាមម្នាក់ ដែលតែងតែចូលមកសម្ងំតាមសណ្ឋាគារ និងផ្ទះ សំណាក់ នៅក្នុងខេត្តសឹ្ទងត្រែង និងដើរប្រមូលទិញឈើប្រណីត តាមម៉ូតូ និងរថយន្តសាំងយ៉ុង យកមកលាក់ផ្ញើទុកនៅតាមផ្ទះពលរដ្ឋ ត្រូវបានកម្លាំងសមត្ថកិច្ច សហការណ៍ជាមួយព្រះរាជអាជ្ញា រង អមសាលាដំបូងខេត្ត ធ្វើការឡោមព័ទ្ធទីតាំងផ្ទះស្តុកឈើមួយកន្លែង នៅជាប់ផ្លូវជាតិចាស់ ទល់ មុខការដ្ឋានកងទ័ព តាលផ្លូវលំ ចូលទៅក្នុងប្រមាណជា២រយម៉ែត្រ នៅចំណុចគីឡូ៤ ស្ថិតនៅភូមិ រាជានុកូល សង្កាត់-ក្រុង-ខេត្តសឹ្ទងត្រែង ។
បើតាមការកត់សម្គាល់ ចាប់តាំងពីរាជរដ្ឋាភិបាលរៀបចំគណៈកម្ម ការ សហការជាមួយរដ្ឋ បាលព្រៃឈើថ្នាក់ជាតិ ចុះឆែកឆេរតាមបណ្តាខេត្ត នាពេលកន្លងទៅ នៅតាមឃ្លាំងធំៗ និងរោង សិប្បកម្មកែឆ្នៃឈើអត់ច្បាប់ ឃើញថា មានការស្ងប់ស្ងាត់មួយរយៈ ពេលខ្លី ឥឡូវនេះក្រុមឈ្មួញ វៀតណាម កម្រើកឡើងវិញហើយ។ ក្នុងការលួចប្រព្រឹត្តិបទល្មើស នេះ ពួកគេប្រើគ្រប់រូបភាព ក្នុង ការដឹកជញ្ជូនឈើ តាមម៉ូតូ និងរថយន្តសាំងយ៉ុងឥតឈប់ឈរ យកមក លក់ឲ្យឈ្មួញកណ្តាល ដែលនៅរង់ចាំទទួលទិញ ក្នុងខេត្តសឹ្ទងត្រែង។
ប្រភពព័តឥាម បានប្រាប់ឱ្យដឹងថា ឈ្មួញដែលរកស៊ីឈើខុសច្បាប់មានឈ្មោះ ណូ ឈ្មោះ ដា ,ឈ្មោះ ឃុន ,ឈ្មោះ ស្រ៊ុន ,ឈ្មោះ កាំង និងស្រ្តីឈ្មោះ ថែត ជាអ្នកប្រមូលទិញក្នុងខេត្ត សឹ្ទង ត្រែង យកលក់ឲ្យថៅកែឈ្មោះ ធី បាញ់ ជាអ្នកបន្តយកទៅលក់នៅប្រទេសវៀតណាម ប៉ុន្តែ បច្ចុប្បន្ន នេះ ត្រូវបានសមត្ថកិច្ច ឃាត់ខ្លួនស្រ្តីជាជនជាតិវៀតណាម ម្នាក់ ក្នុងចំណោមឈ្មួញទាំង នោះ បញ្ជូនទៅតុលាការខេត្ត កាលពីថ្ងៃទី១២ មករា ឆ្នាំ២០១៨ កន្លងមកនេះ ។
ព្រះរាជអាជ្ញារងអមសាលាដំបូងខេត្តសឹ្ទងត្រែងលោក គឹម ហុងសាន បានប្រាប់ភ្នាគ់ងារ ទូរទស្សនិ៍ អាស៊ីអាគ្នេយ៍ ការពីរសៀលថ្ងៃទី១២ ខែមករា នេះ ថា អ្នកពាក់ព័ន្ធការជួញឈើប្រណិត ខាងលើនោះ បានឃាត់ខ្លួនស្រ្តីជាជនជាតិវៀតណាមម្នាក់ និងស្រ្តីជាម្ចាស់ផ្ទះម្នាក់ទៀត សរុបចំនួន ២នាក់។ រីឯឈើដែលរឹបអូសបាន ត្រួវបានប្រគល់ឲ្យរដ្ឋបាលព្រៃឈើខេត្តជាអញនករក្សាទុក ចំពោះអ្នកពាក់ព័ន្ធ បានយកមកផ្ញើទុកបណ្តោះអាសន្ននៅអធិការដ្ឋាននគរបាលក្រុងសឹ្ទងត្រែង ហើយ រហូតដល់ព្រឹកថ្ងៃទី១៣ ខែមករា នេះ បានរៀបចំបញ្ជូនខ្លួនមកកាន់ អយ្យការសាលាដំបូង ខេត្ត សឹ្ទងត្រែង ដើម្បីចាត់ការបន្ត។
លោកបានបញ្ជាក់ថា ឈើប្រមាណជិត២ម៉ែត្រែគូប ជាប្រភេទឈើធ្នង់ និងនាងនួន រីឯស្រ្តី ជនជាតិវៀតណាម ដែលជាថៅកែឈើ រួមនិងម្ចាស់ផ្ទះជាស្រ្តីខ្មែរម្នាក់ទៀត ក៏បានត្រូវបញ្ចូនមក កាន់ តុលាការខេត្ត ដើម្បីចាត់ការទៅតាមនិតិវិធីច្បាប់ផងដែរ ៕